荒島日記（新手、後宮甜）（不定期更新）: 捉蟹

「發⋯發生乜嘢事啊？係唔係辣椒妹打你啊？」
我同辣椒妹返到山洞後，雪兒便緊張地望了我幾眼，然後仇視咁望住辣椒妹。

辣椒妹哈哈大笑。
「哈哈哈！我邊有打佢，大陸仔俾蚊咬成咁㗎！」

雪兒拖起我下巴，觸摸我又紅又腫既下巴同條頸，確認我係俾蚊咬成咁。
「邊到嚟啲蚊⋯咁毒既⋯」

「辣椒妹啱先發現到蟹，諗住叫我去捉幾隻返嚟食，點知個到會有咁多蚊係到⋯佢地一見到我⋯就即刻飛過嚟咬我啦⋯哎呀⋯」


我扮到好痛，然後攬住雪兒，將個頭挨係佢心口上。

雪兒好擔心咁輕輕撫摸我俾蚊到紅腫既位置，我奸笑咁望辣椒妹，辣椒妹就好不屑咁望返我。

「雪兒，你唔洗理佢㗎，大陸仔！又話想到辦法捉蟹，仲唔快啲去實行？」
辣椒妹扯住我耳仔，將我扯出山洞外。

「椒姐！椒姐！唔好扯啦⋯我依家就去，你俾我做好準備先！」

「做咩準備啊⋯」


辣椒妹好唔耐煩咁講。

於是我帶住辣椒妹走到四眼妹山洞前，見四眼妹眾人唔係山洞外面，於是我大嗌。
「四眼妹！！！」

「係係係！就出嚟！」
半分鐘後，四眼妹便跑出嚟，見到我同辣椒妹後，便知道今日有生意做。

「嘻嘻！唔知在下有咩可以幫到兩位呢？」
四眼妹一邊捽手一邊講，猥瑣咁對住我地笑，似足奸商般。



「我想買手套，你有無勞工手套買？」

「勞工手套？你等等！」
四眼妹走入堆雜物裡面左摷右摷，一兩分鐘後，攞出兩對勞工手套出嚟。

真係有喎⋯究竟四眼妹啲雜物裡面有咩係無㗎⋯

「係啦！四眼妹，你借三個桶俾我，另外你搵兩個人幫我手，等陣捉到獵物，分你地山洞一桶。」

「認真？好吖！」
四眼妹跑入山洞裡面，然後叫咗佢山洞兩個女仔出嚟跟我地行。

於是我地五個人前往下游，向蟹既棲息地爛泥地出發。



「東哥！做咩咁突然搵我幫手啊？你發現咗啲咩好嘢？仲要搵埋其他人嚟！」
達叔講完便回頭望一望跟係最後面既四眼妹山洞兩個女仔，兩個女仔點點頭回應達叔。

「前面就係啦！」
辣椒妹指住前方樹林，達叔與兩個女仔一直望住樹林，但睇唔出同上游既樹林有咩特別。

我地走入樹林裡面，辣椒妹同四眼妹山洞兩個女仔繼續向前行，而我拉停達叔。
「好啦達叔，依家除衫，除淨條底褲。」

達叔露出驚訝既表情。
「東哥⋯做咩要除衫⋯東哥⋯」

「叫你除就快啲除啦！咁多嘢講！」

達叔不情願地說。


「唔好啦⋯東哥⋯唔好啦⋯」

我唔理達叔反對，瞬間拉低佢條褲，逼佢快啲除曬衫褲，半分鐘後，我著住孖煙通戴住手套出現係泥地前，而達叔著住三角底褲，遮遮掩掩咁從後走出嚟。

「你兩個要去游水啊？哈哈哈！」
辣椒妹拍曬手掌大笑，而四眼妹山洞兩個女仔好尷尬咁望咗我同達叔一眼，達叔塊面變得愈嚟愈紅。

「達叔，你睇下個邊個啲係咩？」
我指住泥地裡面成千上萬既蟹，達叔慢慢露出笑容，但我仲未講小心啲蚊，達叔就已經好興奮咁跑入泥地裡面。

於是⋯十幾秒後，泥地裡便傳嚟達叔佢慘叫既聲音⋯嚇到四眼妹女伴發抖，以為達叔發生乜嘢事。

我立刻趴係地上翻滾，將爛泥鋪滿全身每一寸肌膚後，然後便衝上前面痛到扎扎跳既達叔身邊，將佢推到地上翻滾。

而樹林邊既辣椒妹與四眼妹女伴以為我地兩個係到玩，便用好無奈既目光望我地兩個，我唯有解釋。


「我之所以咁做，係因為依啲爛泥，可以遮蓋曬我地啲體味同體溫，啲蚊就唔會咬我地，就算佢地咬，都有啲泥擋住，你地擺好啲桶係到，我同達叔捉蟹同執啲貝殼返去。」

於是我同達叔拼命咁捉泥地上快速橫行既蟹群同執貝殼，用咗成個幾鐘時間，終於執曬三桶蟹同貝殼返去⋯⋯

我地捉咗咁多蟹同貝殼，對於泥地上蟹既數量，簡直就係九牛一毛。

夜晚，我地係空地上慶功，四眼妹從山洞裡攞咗個大鍋出嚟煲湯，每個人手上都有碗蟹貝殼煮出嚟既湯。

「正啊！好鮮甜！我要食啲蟹！」
辣椒妹瞬間飲曬碗湯，然後把碗遞到負責分配既秋儀面前。

「好耐無飲過熱辣辣既湯⋯」
四眼妹副眼鏡被蒸氣朦朧。

躲在自己山洞一旁既後母美思，偷偷地觀察著空地上既情況，見到紫霜係裡面食蟹飲湯，露出幸福既笑容，恨不得自己都係其中一員享受美食。



慢慢嫉妒轉成怒火。
「依個情報，一定要賣俾死肥佬先得。」



待續