荒島日記（新手、後宮甜）（不定期更新）: 發現

第二日朝早

「師兄，你估陳總會唔會真係幫我地啊嗱？」
高佬佳一朝早就焦急地走到肥豬劉山洞。

肥豬劉大笑幾聲。
「哈！哈！今次俾人踩到上心口喎！陳總無理由咁都唔幫啊嘛⋯」

「但係陳總尋晚最後都好似無乜理會⋯仲話要俾幾日時間佢做準備⋯佢會唔會無心幫我地⋯所以先敷衍我地要幾日準備⋯」
高佬佳講完，肥豬劉沉思數秒後，便轉頭走，高佬佳立刻拉住肥豬劉。



「師兄！你要去邊？」

肥豬劉指住肥佬陳山洞個方向。
「咁係去搵陳總啦！再講嚴重啲，我估陳總就會快快手幫我地手既啦！」

兩人快速地跑去肥佬陳個山洞，正想衝入山洞裡面既時候，見到文健獨自一個蹲坐係山洞前，佢衣衫不整，而且遍體鱗傷，到處都有一條條血痕，雙眼空洞無神，手心捧著沙甸魚罐頭，雙手卻不停地輕微顫抖著。

文健慢慢抬頭，原本精神渙散既佢，一見到肥豬劉同高佬佳企係面前，便提起精神，快速把罐頭裡既沙甸魚吞噬，生怕佢地兩個會搶走佢既食物。



「文健？陳總呢？佢係唔係到？我地依家要見陳總！」
高佬佳說到，但文健無理會高佬佳，繼續默默蹲坐係到。

肥豬劉挨近高佬佳耳邊細細聲講。
「阿佳⋯佢⋯依家做咩啊？個日俾陳總打到傻咗啊？」

「唔清楚啊⋯可能真係俾陳總打傻咗⋯」
高佬佳亦細細聲係肥豬劉耳邊講。

「唔理佢啦，我地直接入去搵陳總啦！」


肥豬劉想大步走入山洞裡面，突然山洞裡面有人走出嚟，擋住肥豬劉佢兩個既進入。

「哎？你們兩個一大早來幹什麼？」
走出嚟既人係秘書Lily。

肥豬劉笑笑口說到。
「Lily姐姐！我地係嚟搵陳總㗎，我地依家有嘢要同佢講。」

Lily搖搖頭。
「不好意思，陳總今天不想見任何人，你們明天來找他吧。」

高佬佳同肥豬劉聽到Lily既說話感到驚訝。
「吓⋯陳總唔肯見我地？我地真係有重要嘢同陳總講㗎⋯」

「陳總說今天什麼人都不想見，而且不準任何人進來，你們還是回去吧。」


Lily講完，便從後攞出一個罐頭，遞倒文健面前，文健隨即望住Lily。

Lily語氣非常溫柔，猶如住係屋企旁邊知書達禮既鄰居姐姐般。
「文健，多吃點吧，你今天還有很多事情要做呢，吃多才有力氣。」

文健點點頭，秘書Lily便走返入山洞裡面，肥豬劉同高佬佳眼定定咁望住文健手中既罐頭，兩人既山洞無曬食物，訓醒後就已經感到飢餓，不斷地吞口水。


「文健！文健！你媽的！還要吃到什麼時候！快進來幹活！」
山洞裡突然傳嚟肥佬陳既咆哮聲。

「係⋯係！」
文健變得緊張起嚟，快速把罐頭裡面既食物不咀嚼便吞曬落肚，然後跑返入山洞裡面。

肥豬劉突然想返起嚟依到係為咗搵肥佬陳，於是佢對住山洞大嗌。


「陳總！！係我地啊！我地想見你啊！」

幾秒後，山洞裡面先傳出肥佬陳把聲。
「是你們啊？我今天沒空！昨晚不是說給幾天時間我準備嗎？你們快回去吧！」

「陳總！我地係有說話要同你講！陳總！陳總！陳總！！」
高佬佳連續嗌陳總幾聲，但山洞無再傳出陳總既聲音。

佢地唔敢闖入肥佬陳山洞，生怕會激嬲肥佬陳，所以兩人只好係出面祈禱，祈禱肥佬陳最後都會幫佢地⋯⋯


—— 而另一邊 ——


「大陸仔！大陸仔！」


辣椒妹好興奮咁跑返嚟。

跑入山洞，見到仲係床上熟睡咁既我，即刻用佢獨特既叫醒人方式叫醒我。

啪！啪！

係我英俊瀟灑玉樹臨風既面上連刮數巴，面上感到赤熱既我終於從睡夢中驚醒，見到面前笑騎騎既辣椒妹。
「癡線㗎？一朝早打人⋯」

辣椒妹突然跨坐係我腿上，雙手搭上我膊頭，然後錫咗我一啖。
「錫返你做補償啦，大陸仔，我今日去條河下游個陣，我發現到啲嘢啊！」

「發現到啲咩？」

「係蟹啊！我見到下游個到有好多蟹啊！仲要係超級大隻個啲嚟㗎！啲肉一定好多！有很多膏姐！」


辣椒妹講講下流曬口水。

「下遊有蟹既咩？點解我之前唔見？」

「因為啲蟹住係啲好特別既位置！我都係無意中行過去先見到㗎，嚟啦，你去捉幾隻返嚟俾我食啦～」
辣椒妹一邊講一邊扭動臀部。



待續