荒島日記（新手、後宮甜）（不定期更新）: 間諜

「我要趁佢地全部訓曬教先可以過嚟，你估咁容易㗎？夜媽媽咁危險！」
說話既女人係紫霜個後母，美思。

「好了好了，現在情況是怎樣？」
肥佬陳問到。

「你俾食物我先，我再同你講！」
後母美思直接開門見山要食物。

「你說完就會給你。」



後母美思翹住手講。
「唔得！點知你會唔會反悔！而且我餓咗成日，我講嘢都無氣講！」

「她媽的！Lily！拿六個罐頭給她。」
肥佬陳向後嗌，十幾秒後，Lily便攞出六個罐頭到檯上，後母美思即刻打開，然後狼吞虎嚥咁吞食。

肥佬陳望住後母美思既食相搖曬頭。
「用不用吃這麼急，小心噎死你！」



話口未完，後母美思瞪大雙眼，塊面青曬，然後佢不斷捶打自己個心口。
「水⋯水⋯我要水⋯」

「操！就你他媽會這麼麻煩！Lily！拿水給她！她媽的！」
肥佬陳大嗌，Lily便攞水走到後母美思面前，後母美思即刻搶去，一口氣灌落去。

幾秒後，後母美思終於把喉嚨既食物吞落肚，然後大口大口地呼吸。
「呵⋯呵⋯呵⋯舒服曬⋯」

「快說！現在情況怎麼樣？」



後母美思一邊食一邊講。
「你地啲食物，佢地分咗三份，每個山洞都攞一份走。」

高佬佳好認真咁聽。
「依個我地知，講重點！狼呢？」

後母美思咪埋雙眼尋找記憶。
「你講啲狼？啲狼⋯⋯係啦！係朝早個陣就走咗啦！」

「你說的是真的嗎？牠們真的走了？你真的沒有騙我？」
肥佬陳緊張地望住後母美思。

「我呃邊個都唔敢呃你啦，陳總！我觀察咗成日，班狼真係無返過嚟！」



「還有其他嗎？」

「有！」
後母美思無繼續講落去，只係微笑咁對住肥佬陳遞手。

此刻肥佬陳嬲到面紅耳赤，鼻哥窿就嚟要噴出煙。
「幹！Lily！再拿幾個罐頭給她！」

高佬佳係肥佬陳耳邊細細聲問。
「依個女人咁貪心，點解要搵佢監視？」

肥佬陳用力捉緊個梳化。
「因為只有她一個人觀察，是不會給他們懷疑的！我們派營地的女人過去看，一定會給他們發現！這貪心的死婆娘⋯」

Lily遞上幾個罐頭到後母美思手上，後母美思開心到把罐頭抱緊，幾秒後先袋入手袋裡面。



「可以說了吧！」
肥佬陳已經等到不耐煩。

後母美思繼續一邊講一邊食剩餘既食物。
「呵呵！我見紫霜個死女包去咗佢地個到食飯，係我盤問之下，講咗啲狼原來同佢地係好熟，以前一齊生活過！」

「真既？」
肥豬劉同高佬佳異口同聲。

後母美思拍曬心口講。
「係！千真萬確！而且仲有一樣嘢！」

「係乜嘢？」



後母美思再次遞手表示，肥佬陳嬲到鼻孔變大，但為咗報仇，今日唯有忍後母美思既貪心。於是佢揮一揮手，Lily再次從後面攞出幾個罐頭出嚟。
「可以說了吧？」

「算你識做！」
後母美思開心到親吻啲罐頭。

「佢地一早係到分獵物，啲獵物非常大隻，比尋日啲狼仲大隻，我唔知係咩動物嚟，不過啲肉真係好多！」
後母美思邊講邊張開雙手形容。

「肉啊⋯我好想食肉啊⋯」
肥豬劉一邊講，一邊係到幻想食烤肉，流曬口水咁濟。

肥佬陳疑惑咁問。
「那你這樣說，他們那邊現在食物還蠻多的吧？」



「咁係多啦！佢地一隻獵物，夠我食個幾星期啊！再加埋啲罐頭，嘩！如果啲食物係我既就好啦！食足兩三個月都得！」
後母美思邊講邊幻想，然後傻笑咗幾秒。

肥豬劉緊握住拳頭。
「我地啲食物啊！」

肥佬陳思考一陣後講。
「好！你回去吧，再繼續觀察他們，他們有什麼新的動靜，就立刻來通知我！食物不會少你的。」

「好！」
後母美思帶住啲罐頭，好開心咁離開。

肥佬陳望住後母美思離開咗山洞後，便搥打梳化數下。
「臭婆娘！這麼貪心！還得寸進尺！以後有你難受的！」

高佬佳走出去，確認後母美思真係離開咗山洞後，便跑返嚟好緊張咁問肥佬陳。
「陳總，係唔係照中午所講既計劃？」

「嗯！」

「陳總⋯咁既計劃會成功咩？我覺得佢地個邊唔會配合囉！」
肥豬劉唔係好信肥佬陳既計劃會成功。

「如果他們不吃軟的，就讓他吃硬的！」
肥佬陳邊講，邊摸褲頭上既黑色硬物。

肥豬劉同高佬佳望向肥老陳褲頭上既凸物，兩人露出令人深寒既奸笑。
「今次大陸仔，你仲唔死！哈哈！」

「好了，給幾天時間我準備吧，幾天後我們就行動，你們現在回去吧，我已經好困了，有什麼事就明天再說。」
肥佬陳講完便不回頭地走入房間方向，留啲大廳既高佬佳同肥豬劉，佢地兩個亦只能離開肥佬陳既山洞。



待續