荒島日記（新手、後宮甜）（不定期更新）: 過渡

第二日起身，我便同達叔係山洞外分鬣狗肉，來福佢地送咗九隻鬣狗俾我地，最後達叔攞咗三隻，我攞四隻，送咗一隻俾四眼妹佢地。

原本四眼妹唔肯要，不過達叔加把口講，先令四眼妹肯要。

係啦，來福係朝早天光既時候便帶隊離開，來福嚟過依到，佢以後應該會識跑嚟依到搵我地，而且我地有達叔既小笛子，要搵佢亦都唔難。

「達叔，今日營地個邊有咩動靜？」

「動靜就大囉！」
達叔停下手講。



「究竟係點？」

達叔帶點嘲笑咁講。
「今日一早，幾大陣仗啊！除咗陳總之外，全部人一早就出嚟打獵！我都係第一次見肥豬劉咁緊張落力去打獵！」

「仲有無其他啊？」

達叔搖一搖頭。
「無啦，我都係去河邊洗面個陣見到，營地裡面既情況就唔清楚啦，你都知啦⋯我地攞佢地既食物⋯已經得罪曬佢地⋯」



我起身環顧四週，然後再同達叔講。
「達叔，最近要小心啲，以肥豬劉咁小氣既性格，佢地一定會報仇。」

「我知既啦，東哥。」

「你等陣同四眼妹都講埋。」

「嗯！」
達叔點點頭，便繼續做嘢。





—— 而我地既另一邊：營地 ——



「阿佳⋯你想帶我去邊到啊⋯」
MK傑有些虛弱咁俾高佬佳扶住走。

高佬佳個樣十分緊張。
「我依家帶你去藍醫生個到睇下，你今日放個屁又瀨屎⋯轉個身又瀨屎⋯打個哈癡都瀨屎⋯」

「阿佳⋯唔係幾好既⋯我諗過幾日無事既啦⋯你俾我休息多一陣啊⋯」
MK傑尷尬地說，佢唔想依家個狀況俾藍醫生見到。



「好快姐，藍醫生一定醫得好你！」

「阿佳⋯阿佳⋯」
MK傑不情願去藍醫生個到，但高佬佳話今日點都要帶佢過去，佢想拒絕都難。

終於嚟到藍醫生既山洞前，高佬佳直接大嗌藍醫生。
「藍醫生！藍醫生！」

山洞裡傳嚟藍醫生把聲。
「係到，入嚟。」

MK傑不斷咁搖頭，但高佬佳點到係扯住佢入山洞裡面，然後兩人走到擔架床邊，高佬佳直接推MK傑躺係床上。

「邊到有病痛？」


藍醫生戴住口罩，雙手穿上手套走上前。

「依到啊⋯藍醫生⋯」
高佬佳原本想直接話MK傑失禁，但原來係咁難講出口既，於是佢只指住MK傑屎忽。

「便秘？」

「唔係啊唔係啊⋯唉⋯藍醫生你睇下就知既啦⋯」
MK傑正想講唔好，高佬佳便快速拉下MK傑條褲，露出MK傑既屎忽。

藍醫生走上前望，清晰可見MK傑既肛門又紅又腫，並且有些少血絲裂痕，佢好確定MK傑係肛門破裂，但佢又感到疑惑，究竟係咩令到MK傑既肛門搞成咁。

見藍醫生一直無講嘢，高佬佳緊張到大汗搭細汗，床上既MK傑隻手捉緊床單，依家恨不得搵個窿捐，自己以後都唔知點面對藍醫生。

突然藍醫生用奇怪既眼光望住高佬佳，幾秒後便說到。


「下次⋯下次用啲油，即係有潤滑作用既嘢，太過夾硬嚟會好傷個肛門，如果長期係咁，會影響個肌肉收縮功能，可能一世都會失禁。」

高佬佳拼命解釋。
「誤會啦⋯藍醫生⋯事情並唔係你所諗咁樣⋯其實係⋯⋯」

高佬佳未講完，藍醫生便微笑咁講。
「得既啦，我明既，我從來都唔反對同性戀，我之所以覺得奇怪，係因為我之前見你地對女仔有興趣，明既啦明既啦。」

躺在擔架床上既MK傑，委屈地流下一滴男兒淚，今次佢真係水洗都唔清⋯


時間過得好快，已經到咗夜晚，夜深人靜，所有人都無再打獵，返自己既山洞休息。

而營地肥佬陳山洞裡面，此刻卻多咗兩位客人。



肥豬劉同高佬佳坐係梳化上，兩個人既面色十分凝重，猶如死了老豆般。

兩個人一直無講嘢，數分鐘後，肥佬陳便慢條斯理咁從裡面走出嚟，佢赤裸上身，身體上全都是大小不一既汗珠，可以睇得出佢啱先係裡面大戰過嚟。

肥佬陳見到兩人既表情後講。
「怎麼？今天沒吃過東西嗎？」

「有食過⋯但唔飽⋯⋯」
肥豬劉無奈地說。

肥豬劉向後大嗌。
「Lily！Lily！！拿點食物出來吧！」

「是！」
一分鐘後，Lily攞出幾個茄汁豆同沙甸魚罐頭出嚟，放係肥豬劉同高佬佳面前。

「點好意思呢！陳總！」
肥豬劉話就咁話，但隻手已經伸向罐頭邊，恨不得一下子連罐吞埋落肚。

肥佬陳用手按住啲罐頭，唔俾肥豬劉攞，並且好認真咁講。
「說清楚哦！以後要還給我的哦！不是免費給你們吃的！」

高佬佳無奈地望咗肥佬陳一眼，因為佢一早就估到肥佬陳無咁好死會幫佢地。而肥豬劉實在太肚餓，直接開曬啲罐頭，然後狼吞虎嚥咁食，理得佢還唔還啊，肚餓對肥仔嚟講係大忌嚟。

依個時候，突然走入嚟一個女人，三人即抬頭望向個女人，肥佬陳有些抱怨咁講。
「現在才來，辦事的效率真夠慢。」


究竟半夜三更會係邊個嚟搵肥佬陳？


待續