荒島日記（新手、後宮甜）（不定期更新）: 嘲笑

走左十幾分鐘，終於聽唔到班少女既嘈吵聲，咁係依度打獵就最好啦，我放慢腳步，聆聽著四周既聲音，啦。

咯！咯！咯！

咦！乜嘢聲？

咯！咯！咯！

係⋯係野雞既叫聲啊！得啦！睇黎今晚有野雞大餐食啦！我再放慢腳步，向住聲音既方向前往。



咯！咯！越來越接近聲音既來源，於是我躲係棵樹後面，伸出個頭望一望前方。

距離七八米左右，有隻野雞係度覓食，而隻野雞身後有十數隻小野雞跟住，大野雞不停咁係草叢裡面尋找昆蟲，而小野雞們圍住大野雞嘰嘰咁叫。

唔好意思，睇黎要拆散你地一家團聚。於是我伸手到背後攞弓箭。

我摸左幾下，弊！我把弓箭呢⋯依家先想返起⋯把弓箭擺左係旅行袋度⋯個旅行袋係山洞裡面⋯屌！於是摸曬全身，睇下有無其他架撐打下獵。

有就有既⋯得褲袋裡面個把瑞士軍刀仔⋯



依家返去山洞攞弓箭，一來一回都要用二十分鐘，隻野雞一定走左啦⋯

睇黎！我既小李飛刀要重出江湖啦！我攞起軍刀擺係眼前瞄準隻大野雞，食粥食飯就睇依一下啦王學東！

軍刀一嘢飛過去野雞個方向，隻野雞仲掛住覓食，個頭一直探索草叢裡面，根本無留意到佢依家有幾危險。

啪！

把軍刀係打中隻野雞！但係⋯係刀柄打中佢⋯⋯



隻野雞俾依一下刀柄打中嚇到跳起，然後不停咁拍翼想飛走，我即刻跑過去，隻野雞見到我喪跑過黎，即刻向前助跑拍翼，十數隻野雞仔都跟住佢跑。

「咪走～雞！」
我向住野雞方向加速喪跑。

隻野雞跑得好快，拍左幾下對翼便飛走左，我望住佢越飛越高，越飛越遠，而佢留低曬佢既仔女係地上追。

失去母親既野雞仔們到處亂跑，我抓起走失個五隻野雞仔，我係度諗佢會唔會返黎救佢既仔女。

但發現，原來係唔會㗎⋯唯有回頭走去執返把軍刀。

睇黎今日都無乜收穫，我唯有攬住五隻拳頭咁大既野雞仔返去，途中遇到唔少係河邊獵食既少女，同埋啱啱係河度抓細魚既四眼妹個班人。

攬住係心口既雞仔嘰嘰喳喳咁叫，即刻引曬所有女仔既注意。



「大陸仔抓到D咩啊？咁嘈既！雞仔啊？」

「好on9啊！D雞仔咁細隻，都唔夠佢自己一個食啦！」

「哈哈哈！佢咁撚廢既，我抓既魚都大過佢！」

「睇黎雪兒好快就搬去肥豬劉佢地個度住啦，個男仔咁無用！」

成班女仔你一句我一句，仲要講得咁鬼大聲，好似驚死我聽唔到咁，以前係學校做八婆都算，依家黎到荒島都仲係咁八婆⋯

我係附近斬左幾條樹藤落黎，然後抱住五隻雞仔返到山洞，辣椒妹呆左咁望住我攬住既野雞仔。
「你唔會係想養雞仔啊嘛⋯」

「呵！養住一排先，可能遲D有用。」
我放低D雞仔，然後攞出幼身既樹藤幫住唔隻雞仔隻腳，然後樹疼另一邊俾舊大石壓住。



「唉⋯我驚雞仔未大⋯我地就已經餓死啦⋯」
辣椒妹一直望住個五隻雞仔。

「總之D雞仔唔好掂！」
辣椒妹好無奈咁望住個五隻野雞仔。