荒島日記（新手、後宮甜）（不定期更新）: 善良

「紫霜佢好慘㗎，經常無嘢食，個惡毒後母美思自己就大魚大肉。」
達叔女伴說到。

「有次我係河邊見佢係咁飲河水，於是走過去問佢做咩係咁飲河水。」
達叔另一女伴說。

「飲⋯飲多D⋯水⋯就唔會覺得肚餓⋯」
達叔女伴用紫霜既口吻講，令我地想像紫霜個時既情形，就覺得紫霜真係好撚慘⋯

「有次佢三四日無食過嘢，實在太肚餓，所以忍唔住食左兩條腸仔，點知俾後母美思知道左，捉住佢係咁打係咁打，打到手腳都傷曬⋯已經瘦到成條柴啦⋯仲要咁樣對待佢⋯」


達叔講完都搖曬頭。

所以今日見到佢手腳上既傷痕係這麼多⋯

「咁即係今日佢煮公仔麵食⋯都係餓左幾日忍唔住先⋯」
我講完望向三女，三女感到好慚愧，各個都得低曬頭。

「佢餓左咁多日⋯都願意分食物俾我地食⋯佢之後仲要俾個女人打⋯」
雪兒講講下便流下眼淚。



「屌佢老母！我要殺撚左個仆街！」
辣椒妹企起身，秋儀即刻攬住辣椒妹。

「冷靜D啊辣椒妹，唔可以亂殺人㗎⋯」
秋儀好用力攬實辣椒妹，辣椒妹十幾秒後先冷靜返。

「有時我地想俾野佢食，但紫霜係個種唔鐘意受人恩惠既人，所以拒絕我地既好意，我地唯有打獵都叫埋佢，或者叫佢黎我山洞搞下清潔，佢先肯收食物做酬勞。」
達叔無奈咁講。

「紫霜真係好慘⋯好可憐⋯」


雪兒講完邊望住紫霜山洞既方向。

「我地以後盡力幫下佢啦，佢咁樣瘦落去好容易出事。」

「嗯！」
雪兒講完便攬住我，達叔又再次笑淫淫咁望我。

「哦！係啦！」
突然達叔其中一個女伴攞出兩條俾草繩綁住既魚乾出黎，魚乾只有手掌般大小。

達叔唔好意思咁講。
「呵⋯東哥，細佬我依排打唔到好多獵物，所以食物就比較⋯」

我揮手使達叔無再講落去。



「我地明既達叔，你既好意我地心領，兩條魚你拎返去自己食啦。」

「但⋯但係你地⋯」
達叔見我地物品中無食物。

「唔洗擔心我地wor，食物依家嘢從來都難唔到大陸仔佢㗎！」
辣椒妹用手夾住我個頭，搞到我個頭撞左幾下佢個大波波幾下。

「係啊，達叔你既好意我地明白，你都係收返俾自己食啦。」
我把兩條魚推返俾達叔。

「咁好啦，我唯有收返自己食啦，我地返去山洞整D嘢，聽日再傾啦，東哥。」
達叔講完，便起身回頭走向營地個方向。

「達叔！」


我叫停達叔，佢回頭望返我。

我走到達叔面前。
「達叔，不如你地搬過黎住，我地互相有個照應，何必繼續俾嘢食俾個死肥佬呢？」

「係囉，搬黎我地旁邊既山洞住啊。」
雪兒亦加把口幫我。

「但係⋯」
達叔望向佢兩個女伴，睇黎達叔好擔心搬出黎會造成女伴既安危。

「信我啊，達叔，我地兩個好好保護佢地啊！而且又唔洗分食物俾肥佬陳總，自己食曬唔洗挨肚餓。」
我用堅決既眼神望達叔。

達叔回頭望兩女伴，兩女伴都點頭贊成。



「咁好啦，我地住埋今晚，聽日就搬過黎你地旁邊既山洞住。」
達叔講完便帶住兩女伴走返去營地個邊。