荒島日記（新手、後宮甜）（不定期更新）: 惡霸

「傑少？」

「係！我就係傑少！」
噗！見到佢咁有自信，我忍唔住笑左一聲。

「你笑乜撚嘢啊！」
MK傑嬲到面紅曬，感覺就黎要冒煙。

「醉愛⋯傑少⋯你等我⋯一陣⋯好快⋯我忍得好辛苦⋯你俾我冷靜下先⋯」
忍笑忍到我肚都痛。



「你老母！你笑鳩我！」
MK傑好似忍唔住想走過黎打我。

依個醉愛傑少既人唔係我既同學，佢只不過係雅典娜女神號其中一個乘客黎。身高一米七二，身材中中等等，剪左個韓仔咁碗狀髮型，一身黑衫黑褲，對鞋係nike既air force，不過一邊穿螢光橙色鞋帶一邊穿螢光綠色鞋帶，行為舉止充滿MK味。

「你地兩個係邊個黎！」
辣椒妹拖住秋儀走返黎，高佬佳回頭見到辣椒妹後即刻呆左，而MK傑亦都回頭望住辣椒妹同秋儀。

「喂⋯條金髮妹好撚正啊喂，你睇佢個胸，大到呢，唔知一隻手揸唔揸得曬。」


MK傑淫笑地講，而高佬佳嚇到呆左。

「喂⋯出句聲啦，係唔係條金毛妹太正，所以嚇到唔識講嘢啊，我都知既，樹大易招風，波大多人碰。」
MK傑用膊頭撞一撞高佬佳。

「er⋯辣⋯椒妹⋯你唔好惹佢⋯佢惹唔起㗎⋯」
高佬佳同MK傑咬耳仔。

「咩惹唔起啊，我傑少想溝邊個就溝邊個！天下間無女係我溝唔到既！學下嘢啦，志佳，喂！靚女！」
MK傑對住辣椒妹埋口乖打招呼。



辣椒妹拖住秋儀係傑少面前直行直過，完全無視左佢依個MK仔。

「喂！靚女！出句聲啊喂！唔好吊高黎賣咁無癮啦！」
辣椒妹回頭望左佢一秒，然後繼續行。

「好撚嘢！有性格！我鐘意！咁先襯得起做我條女㗎嘛！」
MK傑笑到成個變態佬咁，高佬佳撞一撞傑少。

「依條女唔惹得㗎。」

「志佳，你唔會係想同我搶女啊嘛，你揀個位靚女啦，或者金毛妹旁邊個矮妹啊，都唔錯啊。」
MK傑一直鹹鹹濕濕咁望住辣椒妹。

「辣椒妹佢老竇係大佬黎㗎！」


志佳細細聲係傑少旁邊講。

「屌！大佬啊嘛，我都係大佬啦！你知唔知啊，油尖旺無人唔識我傑少㗎！各個見到我都叫我做傑哥！屌西都唔洗俾錢啊！今晚屌西，我既！」
（mk仔果然係mk仔，係咁講自己有幾威幾威咁，想引D女注意。）

MK傑少走過黎。
「喂！你叫辣椒妹啊喝？你做我條女啊！只要你響我朵！我保證依個島無人蝦到你，我可以保護你！跟依條粉腸無撚用㗎！」
我聽完MK傑咁講又忍唔住笑左下。

「你笑乜撚嘢啊！」
MK傑走到我面前，我不過我無理佢，繼續做自己嘢。

「我問你笑乜撚嘢啊！」
MK傑用手指篤我個頭。



「你夠薑再篤我一下啊！」
我啤住佢。

「篤你未篤⋯」
我即刻抓住MK傑隻手指用力一拗，MK傑隨即跟住我拗既方向扭去，全身無力咁坐係地下。

「啊⋯放手⋯啊⋯」
我拗住MK傑隻手指，MK傑痛到面型扭曲。

「喂！大陸雞！好放手啊喂！」
高佬佳想衝過黎救MK傑。

「俾返你。」
我用力拗實MK傑隻手指，然後抓起佢，MK唯有跟隨我既動作，見到佢俾我拗到大汗搭細汗，痛到想喊咁濟，用力推佢到高佬佳個方向。



「我隻手指啊⋯你好彩！我今日仲未食飽，所以無力氣同你打，第日你實俾我打到跪係度求我！」

「你好嘢！大陸雞！以後我地實搵返你算帳既！」
高佬佳攬住MK傑走。