荒島日記（新手、後宮甜）（不定期更新）: 山洞

「我地依家睇下住邊個山洞啦。」
我講完便起身走去旁邊既山洞。

「依個山洞好啊。」
辣椒妹指住紫霜住既山洞旁邊，我走過去後望一望，隨即搖頭。

「依個山洞唔好咩？而且靠近紫霜屋企，大家互相有個照應啊嘛。」
辣椒妹咁講，紫霜便面紅紅咁低頭。

「唔得啊，個山洞滴咁水㗎，好潮濕㗎，我地好容易會病。」


我走向另一個山洞。

「咁即係搵個唔潮濕既山洞就得？」
秋儀疑惑咁望住我。

「咁又唔係！仲有好多條件，要地勢高少少，唔係落大雨就有水倒灌，到時個山洞就水浸既啦。」
我講完，秋儀個妹釘就係度點點頭。

「仲有啊，個山洞裡面唔會有動物同昆蟲係度啦，有唔少山洞都會有老鼠同蜈蚣係度㗎。」



「大陸仔！你唔準嚇人wor！」
雪兒用手搓手臂上起曬既雞皮，我笑一笑便走入其中一個山洞裡。

依個山洞都幾大，而且仲好深，我行入去差唔多一分鐘先行完個山洞，最裡面好乾燥，一D水氣既感覺都無，沿途我觀察地面同牆壁上，都見唔到蛇蟲鼠蟻，最出面亦都無滴水既跡象，地勢又高，得啦！依個山洞最適合居住不過。

「大家！住依個山洞啊！」
我伸出個頭係山洞外大嗌，三女隨即走過黎。

「終於有新既屋企啦！」
辣椒妹一入個山洞就向裡面跑。



「依度咁大，我地四個人夠曬住，個度可以整個屏風黎遮住換衫。」
雪兒係山洞裡走黎走去，幫個山洞設計好空間點樣運用。

「依度感覺好舒服。」
秋儀開心到係度轉圈。

「嘩！依度真係好大啊，裡面勁深囉！」
辣椒妹跑返出黎，然後好興奮咁講。

「最裡面唔住得㗎，因為空氣好難流通入去，所以最裡面好焗好乾燥，用黎擺放食物就最好，我地訓既位置靠近山洞口會係最好。」

「咁依家就攞嘢入黎啦！」
辣椒妹拖住秋儀出去攞返D衣服過黎，而雪兒繼續係度諗點樣設計運用，而我就蹲係洞口，諗咁點樣設計個圍欄。



過左一陣。

「喂喂喂！真係有個靚女係度wor！好撚靚啊屌！」
「佢肯定靚啦，佢係我學校既女神啊！原來佢地無講大話，林雪兒真係係度。」
突然有兩把聲係洞口外傳入黎，我轉個頭望過去。

「咦！大陸雞！點解你條撚樣會係度㗎？」
說話既人係學校既高佬，梁志佳。

身高係米五九，無錯，叫佢高佬只不過係笑佢矮，身材係好瘦個種，感覺好容易爆肺個種，不過份人好無禮貌，而且唔睇人面色，目中無人。

我同佢本身就唔fd個種，而且曾經因為班際籃球差D打出手。

「估唔到會係依度見到你wor。」
我鄙視咁望住高佬佳。



「你條撚樣算咩意思啊？啤乜撚嘢啤啊！信唔信我打柒你啊嗱！」
高佬佳旁邊個紅色頭髮既男仔開口對住我爆粗。

「你又邊撚個啊你。」

「我叫傑少！醉愛傑少！認住我！」
個紅髮男仔好霸氣咁講，然後就怒啤住我。