荒島日記（新手、後宮甜）（不定期更新）: 搞事

我地抱住遇到其他生還者既希望，一直往前面個座山進發，來福帶頭帶住我地行，而秋儀同辣椒妹兩個一齊係後面跟住來福，我就拖住雪兒行，而文健個扑街係最後面。

「大⋯大佬⋯不如休息下先啊⋯」
文健氣喘咁講。

「襯依家仲有排天黑，早D去到目的地，天黑係叢林好撚麻煩。」
我繼續向前行。

「又唔見我地有事！」
文健即刻駁嘴。



「你唔好唔記得班馬騮wor，個次你俾馬騮屌耳仔仲唔知驚啊？」

「班馬騮最後都俾我馴服啦！」
文健有D不屑。

我甩開雪兒隻手，走到文健面前，一嘢抓實佢既衫領，然後講。
「班馬騮係我馴服，唔係你，同埋我想講，你好彩上次遇到既動物係馬騮，佢地目的係解決性慾，如果俾你遇到肚餓既猛獸呢？我諗你點樣死左都唔撚知啊！」

「大陸仔！你地唔準打交啊！」


雪兒走過黎鬆開我抓住文健個隻手。

「大陸仔！洗撚理佢咩！佢要留就留！要走就走！」
辣椒妹係前面大聲嗌到。

「辣椒妹，唔好大嗌啊，好容易會吸引到猛獸過黎㗎。」
我提醒返辣椒妹。

「知啦屌！」
辣椒妹轉返身繼續行。



文健見大家無停低休息既想法，唯有忍氣跟住我地繼續行。行左四個鐘後，我地終於到左座山下面，望住座山既高度，睇黎要加速越過座山先得。

「大家，我地睇黎要加快腳步，再咁慢既話，天黑都未上到山頂。」
我催促大家行快D

「可能未上到去我地就俾猛獸殺死左呢！」
文健加強句尾既語氣。

「放心啦文健，如果你烏鴉口咁靈既話，我一定會推你上去做第一個先。」
我停低回頭同文健講。

「好啦，唔洗理佢啦，我地繼續行啦。」
雪兒抓住我手臂，然後拉住我行。



「唔撚理佢啦！依條撚樣次次拖慢大家，秋儀，我地行快D。」
辣椒妹講完就拖住秋儀加快速度，我同雪兒亦都跟住加快腳步。

文健見到我地加速，亦都加速跑追我地，當然，佢依個廢柴，跑左唔夠幾分鐘又開始氣喘。

「喂⋯大佬⋯真係要⋯等等我啊⋯喂⋯」
文健停低休息。

「大陸仔啊⋯不如休息下先啦⋯文健佢⋯」
雪兒回頭望。

「唔撚洗理依個廢柴啦，佢依條友唔死都無用。」

「我都好攰啊⋯休息下啊～好唔好。」
雪兒用嗲聲同我講。



「你唔洗在意佢既wor。」
我知道雪兒既用意。

「你就當我真係想休息下啦。」
雪兒抓緊我手臂，請我手臂食波餅，俾佢咁樣貼幾下，小東東硬撚曬。

（見雪兒咁有誠意，咁我就勉為其難啦。）

「大家，係度休息十分鐘啊。」

於是大家停低係度休息，而我不停咁望周圍，突然見不遠處有棵樹長滿果實，吸引住我既視線。

「你地係度等等，我過去睇下D嘢。」



「小心D啊你。」
雪兒同我講。

「嗯，我會既啦。」
然後我就跑左過去⋯⋯