荒島日記（新手、後宮甜）（不定期更新）: 離隊

我跑到去棵樹下面，望一望樹上既白色果實，啱啱太趕走得太快，完全無留意到依頭附近有D咩。

望清楚D，原來個D唔係果實黎，係一舊舊棉花，啱啦，摘D棉花落黎先，以後應該好有用。

我摘曬下面既棉花，再不停咁摘開係上面既棉花，兩三分鐘，一棵棉花樹就俾我摘到光脫脫，我攬住D棉花走返去，三女見我手上既棉花感到驚訝。

「大陸仔，點解手上咁多棉花既？」
雪兒企起身後走過黎摸棉花。

「我係附近見到棉花樹，所以就摘落黎囉，依D棉花好有用，我地以後可以用佢黎做好多嘢。」


我攞住舊棉花講。

「D棉花軟綿綿好舒服啊。」
秋儀玩手中既棉花。

「咁大家快D去摘多D啦。」
辣椒妹衝左去棉花樹方向。

「你地自己摘啦，我唔摘啦。」
文健雙手托住個頭講。



「你個⋯」
我俾文健搞到興興地。

「算啦，唔洗理佢，我地去摘棉花啦。」
雪兒抓住我隻手，拖住我去棉花樹既方向。

十幾分鐘，我地就已經摘左大量棉花，於是走返去休息個位置，發現文健唔見左，旅行袋裡面既番薯同香蕉都唔見左一半，連把開山刀都無埋⋯

「學東哥⋯文健唔見左⋯連D食物都唔見左好多啊⋯⋯」


秋儀好緊張咁搵。

「佢會唔會係遇到危險啊？」
雪兒有D驚。

「佢個撚樣肯定趁我地唔係度，就攞走D食物，掉頭去搵返馬騮佢地啦。」
辣椒妹嬲到飛起。

「估唔到佢咁夠薑返去喔。」
我望一望旅行袋。

「枉我地平時對佢咁好，佢咁樣對返我地。」
雪兒有D唔開心。

「我地有大陸仔就得啦。」


辣椒妹邪惡咁笑。
（你咩笑容啊你！）

「咁又係。」
雪兒面紅紅咁望實我。

「佢咁樣走左，可能係好事黎，我地以後食物又唔洗分俾佢個撚樣，我地今晚一於慶祝，賀一賀佢！」
辣椒妹有D開心。

「希望係好事啦，我最驚佢又搵我地麻煩啊，好啦，休息多一陣，我地就繼續行啦，文健就唔洗理佢啦。」
我收拾好D棉花。

「熱烈地彈琴熱烈地唱！歌聲多奔放個個喜氣洋洋！」
辣椒妹搭住秋儀膊頭左搖右擺地唱歌。



（洗唔洗咁開心啊你。）

於是我地休息左十分鐘後，繼續往山頂出發，無左文健個粉腸拖慢進度，我地比預期行快左好多。

沿途我地見到唔少兔仔同野雞，辣椒妹興奮到係咁示意，要我去狩獵依D動物，但我一隻都無狩獵到。

「有無搞錯啊，D晚飯係你面前走鳩曬啦⋯我既兔仔肉啊⋯我既野雞大餐啊⋯大陸仔！你要賠返俾我啊⋯」
辣椒妹個樣好不滿。

「成日掛住食食食！我地依家仲要趕去搵有無其他生還者同搵個適合既居住地，依家打獵，你唔怕D動物血腥味吸引D猛獸過黎咩？」
我好鄙視咁望住辣椒妹。

「咩wor⋯人地都係肚餓姐⋯」
辣椒妹講完後發脾氣，係咁摘D樹葉洩憤。



「大家唔好吵啦，我地忍耐多一陣，搵到居住地再去打獵啦。」
雪兒緩和返個氣氛。

（都係雪兒最好～）