荒島日記（新手、後宮甜）（不定期更新）: 馴服

抱住柴同香蕉返黎既馬騮越來越多，我都要即刻燒多D香蕉先得。
「秋儀、辣椒妹、雪兒，幫我燒多D香蕉啊，我要用黎喂馬騮。」

「好啊，交俾我地啦。」
秋儀答完我就忙住同雪兒辣椒妹燒香蕉。

「喂，文健，有D嘢要你幫我手。」
我叫起坐係一邊既文健。

「我？我⋯我有咩可以幫到你啊？大佬。」


文健對我既說話感到驚訝。

「好簡單，你一定做到。」
我邪惡咁笑住望佢。

「大⋯大佬⋯咁係點啊？」
文健開始有D驚驚地。

「過黎，等陣你就咁咁⋯⋯明白未？」





「咩話⋯要我扮馬騮！唔得！」
文健撒手擰頭。

「你一定要做代表啊，你唔做既話，班馬騮唔會明我想表達D咩㗎。」
我俾個堅決既眼神文健。

「唔得！實在太侮辱啦！」



「文健，如果馴服班馬騮，你同我都有好處，你都唔想再俾馬騮強姦耳仔㗎～」
我加重最後個句既語氣。

（唔知點解，我感覺到我以後需要依班馬騮既幫忙，所以我希望馴服，或者叫同佢地建立良好關係啦。）

「定係文健好撚享受俾馬騮強姦呢？估唔到你有D咁既口味喔，文健。」
辣椒妹一邊燒香蕉一邊講。

「我⋯好，我扮。」
雖然文健把口應承，但個樣呈現十萬個不願意。

我攞左個燒熟左既香蕉，走到一大班馬騮面前。
「文健，過黎啊！」

「係⋯係⋯」


文健慢吞吞咁行，睇黎佢仲係好驚班馬騮。

「你坐係地下先。」
文健隨即坐係地上。

「hand！hand！」
我伸出隻手示意文健俾隻手我。

「大⋯大佬⋯你咁算點啊⋯」

「快D伸個手黎啦。」

「哦⋯」
文健好無奈咁遞起隻手俾我抓住，我摸一摸佢個頭後就俾香蕉佢。



「哈哈！笑撚死我！我個肚好痛。」
辣椒妹忍唔住大笑出黎，文健塊面立即變黑，得左！

「再黎，幫我按摩下。」
我同文健講。

「吓⋯」
文健又擺出副唔情願樣。

「快D啦！按幾下又唔會死。」
我一邊指膊頭一邊講。



十幾分鐘後，我地五個人都享受咁馬騮既按摩，連來福都享受咁馬騮幫佢R毛捉蝨，黎左荒島咁耐，好耐都無咁嘆。



「你睇下班馬騮幾醒，幾下就教識佢地按摩啦。」
我邊享受邊講。

「係啊⋯手勢一流⋯嗯⋯」
辣椒妹舒服到嗌左一聲。

「有D痕⋯」
秋儀對於馬騮既按摩唔係好習慣。

「如果有⋯都係無嘢啦⋯」
文健諗左下都係唔講好。

「點啊？你想叫班馬騮幫你打飛機R荔枝啊？定係想做全套啊？」
辣椒妹嘲笑地說。



「癡撚線！」
文健聽完辣椒妹咁講，即刻起曬雞皮。



係馬騮一流既手勢下，我舒服到放鬆曬成個人，就咁樣訓著左⋯⋯