荒島日記（新手、後宮甜）（不定期更新）: 出發

當我醒返既時候已經係朝早，見到大家係一邊燒咁香蕉，班馬騮排曬隊好有規矩咁等，秋儀將一份份燒好既香蕉派俾班馬騮。

終於佢地解決曬班馬騮，班馬騮全部飽到趴係地下訓教，於是我都收拾好D弓箭開山刀，準備入上山去搵草藥。

「大家，我唔係度既時候你地要小心D啊，依家班馬騮咁聽話，而且我地有火，佢地應該唔會好似之前咁發曬癲。」
我望一望班馬騮。

「大陸仔，你自己一個去啊？」
雪兒問到。



「係啊，自己一個去好D。」
唔知個島有D可怕猛獸出現，所以一個人好D，唔對路可以即刻跑。

「唔得！點都要兩個人去好D，多一個人多個照應啊嘛。」
雪兒企起身講。

（又好似幾有道理。）

「咁啊⋯」
我望向文健。



「我⋯我唔去啊⋯我都幫唔到手⋯唔去⋯」
文健邊講邊轉身避開我既視線。

「喂！男人之家咁細膽啊。」
我對於文健既懦弱好不滿。

「咁我去啦！」
雪兒舉手。



「我都想去！」
秋儀企起身緊握住在拳頭。

辣椒妹望一望雪兒同秋儀，但完全無表示想去，若無其事咁繼續燒香蕉，雪兒同秋儀走埋過黎，一人拉住我一隻手，係度求我帶佢地去。

「er⋯深山個度好危險喔⋯我諗帶文健去會係最好既選擇。」
我係度想辦法拒絕佢地。

「大佬～佢地咁想去就俾佢地去啦～」
文健好休閒咁攤係地下。

（我屌你老母死文健，你唔出聲真係無人當你係啞㗎。）

「俾我去啦⋯」
雪兒雙眼發曬光咁。



「俾我去啦學東哥⋯我想去⋯」
秋儀攬住我隻手講。

「唉⋯你地包剪揼⋯邊個贏左就邊個去啦⋯」
我好無奈地接受，照顧一個人總好過照顧兩個人。

雪兒同秋儀即刻扭動住手臂，大家都係度拉一拉筋，再好緊張咁互相望住。

「包！剪！揼！」
兩女同時一齊嗌。

「哦！佢贏左！一個剪！兩個包！啊？咪住，點解會多左個人。」
我講完，三個人一齊望住出剪個隻手方向。



「啊哈！我贏左啊！哦叻～哦叻哦叻哦叻～」
辣椒妹開心到係度跳舞。

「唉⋯」
雪兒見到辣椒妹贏，即刻好唔開心地唉嘆左一聲，而秋儀扁住嘴望住辣椒妹發呆。

「哦叻叻～哦啦啦～」
辣椒妹仲係度忘我地跳舞。

（佢癡Q左線啊⋯）

我走過去攬住雪兒同秋儀。
「我好快返黎，你地兩個要小心D啊。」

「嗯。」


雪兒係我懷抱中答我，我錫左佢額頭一啖。

「秋儀，你要幫我好好睇住雪兒啊。」

「嗯，我會既啦，學東哥。」
秋儀講完向我索吻。

「來福，幫我睇住文健。」
嗷！來福低吼一聲，即刻盯住前面訓係地下成個臥佛咁既文健。

我攞起旅行袋走向上山既方向，辣椒妹不停咁對雪兒同秋儀揮手，然後大聲嗌。
「姐妹們！我會幫你地好好睇住大陸仔既啦！」

辣椒妹講完後，做出左個LamLam脷個樣出黎。