荒島日記（新手、後宮甜）（不定期更新）: 潮漲

秋儀打開個旅行袋，旅行袋裡面出面裝滿蝦同貝殼類海產，我地眾人發出驚訝既叫聲。
「哇！」
然後雙眼發曬光望住秋儀。

「秋儀，點解你抓到咁多蝦同貝殼既？」
我讚嘆完一輪就問秋儀。

「係幾叻既⋯」辣椒妹細細聲講。

「我唔係去抓㗎，我係沙灘度慢慢執㗎，沙灘度有好多蝦同貝殼啊」


秋儀怕醜咁講。

沙灘突然有咁多嘢執？之前唔見有依D事㗎，一定有D嘢。
「我想去一去沙灘個度睇下。」我講完就起左身。

「我都要跟埋一齊去！」雪兒企左起身。
「我都要陪你去。」秋儀捉住我隻手。
「咁不如大家都一齊去啦。」辣椒妹企左身講。

我地五個起身走左去沙灘個邊，來福都放低隻老鼠都跟埋過黎，行左無幾耐，我地到左沙灘。



去到沙灘，個沙灘俾太陽照到閃閃發光。

沙灘上得確有好多海產係度，成個沙灘都係寶，但之前沙灘唔會係咁既喔，文健見到咁多食物，雙眼發曬光，即刻狗衝瘋狂咁抓，用自己件衫包住D海產。我望一望沙灘周圍，然後再思考左一陣。

「點啊？大陸仔，你唸咁咩啊？」雪兒好緊張咁問。
「我知道點解會咁啦。」我胸有成竹咁答。
「究竟係點啊？」雪兒抓住我手臂問。
三女圍住我等我解答，而文健仲係度瘋狂執海產，不停咁跑黎跑去。



「係潮漲。」我好肯定咁講。
「潮漲？」三女異口同聲咁講。
「係啊，潮漲潮落，將D海裡面既生物沖上左沙灘度，所以先見到咁多海產，你地睇下沙灘細左幾多。」

三女即刻望沙灘周圍。
「哦～原來係咁。」雪兒一邊講一邊用手摸下巴。

「想唔想有穩定既食物來源啊？」我問三女。
「想！」三女即刻同時答。
「咁我地係沙灘挖個窿啦，文健，咪X再執啦，過黎幫手。」我指一指文健。

文健好唔耐煩咁擺低啱啱執既食物，然後走過黎幫手，我地幾個不停咁係沙灘挖個窿，個窿大細決定係一米多少少，來福好興奮咁不停用前蹄挖。

「大佬，我地不停挖，D沙不停咁跌落黎喔，點整個窿啊⋯⋯」
文健唔耐煩咁問。



（鬼唔知你老母係女人）
「文健，你去竹林到抬D竹過黎，秋儀，你幫我搵D樹藤過黎」我指揮住大家。

文健好唔情願咁走去竹林，無幾耐佢就好吃力咁拖住一條竹過黎，秋儀都攬住條樹藤返黎，我即刻用開山刀將條竹斬開一件件，然後插係沙裡面，圍住個窿一圈，再用樹藤綁實周圍，竹條隔住左D沙，就唔會再跌沙入窿啦。

「大陸仔，你真係好多主意！」雪兒講完就攬左我一下。

文健雙眼即刻出現左一絲憤怒，不過好快又消失左。

「今晚潮漲完後，我地就會有大收穫啦！」我講完舉高雙手，大家都好興奮咁舉高雙手。

「好！」
「嗷嗚！」