荒島日記（新手、後宮甜）（不定期更新）: 龜頭

我地番返去竹棚，雪兒即刻搭返個鐵板，秋儀從旅行袋攞出D蝦同扇貝花甲出黎，然後擺上鐵板上面，辣椒妹亦都擺上幾隻蟹，而我就好似個少爺仔咁，坐係度等佢地煮嘢食。

「廢柴，快D過黎幫手啦！」辣椒妹突然大大聲講。
我以為辣椒妹講我，正想企起身，就見到文健走左過黎幫辣椒妹手。

（原來係講文健。）

「你老母X，連蟹都唔X識拆，男人喔～」辣椒妹嘲笑咁講。
文健黑曬面低頭咁幫手，後來辣椒妹頂佢唔順，直接叫佢走開，辣椒妹自己親自落手。



來福躺係我身邊食咁隻大老鼠，哇，依家先發現來福比起第一次見個陣時大左好X多，個樣比以前兇猛同靚仔左。我幫來福梳下毛R下痕，來福似乎好受依一套，身體係咁逼近過黎。

食完依個豐富既海鮮餐後，我地上返竹棚訓教，原本我唸住同文健訓一邊既時候，雪兒同秋儀走到我隔離訓，而辣椒妹都訓係雪兒隔離⋯⋯

（我又重回返左擁右抱既日子啦）
秋儀拖住我隻手訓，而雪兒就緊緊地抱住我，將個頭挨到我胸前。
（呵⋯佢咁樣攬住我，真係想唔扯旗都難。）

我用餘光望一望文健，文健嬲霸霸咁望過黎，拳頭握到實一實，佢嬲起身個樣，就好似我殺X左佢老豆咁，然後佢忍住道氣訓低，無再望過黎啦。我亦都不知不覺咁訓著左。



第二日，我地食完個早餐後，即刻行去沙灘，想睇睇下有無收穫，秋儀飛奔過去，然後見到沙灘挖個窿後，發出一陣陣讚嘆。

我走過去睇，見到數十條海魚係個窿裡面，而且仲有八爪魚同海蝦，辣椒妹同秋儀好興奮咁撈返D魚上黎。
「好X多魚啊，有排食啦。」
而文健個撲街塊面顯示住不爽既感覺，睇黎係妒忌我係三女心目中既地位又提升左。

「大陸仔，你睇下個邊係咩黎。」雪兒指住沙灘既一邊。

有隻黑蚊蚊既嘢係沙灘度不停震動，我同雪兒即刻走過去睇，個舊黑色嘢，原來係隻大海龜黎，隻海龜見到我同雪兒行過黎，即刻縮入殼裡面。
（王八翻身？）



「佢係度做咩啊？」雪兒疑惑咁望住我。
「佢肯定俾海水沖上沙灘，但又翻唔到身。
「下，佢咁落去可能會死㗎。」雪兒講完即刻走去推隻大海龜。

我見到雪兒一個係咁推，所以我都走埋去幫手推隻海龜，隻海龜真係幾重下，我地最後好吃力先推返正隻海龜。

過左幾分鐘，隻海龜先露出個龜頭望一望，然後見到我地，即刻縮返少少，但見我地無攻擊性，即刻伸曬成個頭出黎。雪兒見到後即刻按肚大笑：「哈哈，海龜依個樣真係好好笑，露出個龜頭。」

我走去雪兒耳仔邊細細聲講。
「你昨天先含得好開心喔。」我一講完就俾雪兒打左幾下。
「喂，打病人既你。」我避開雪兒既攻勢。
「哼，咁你係抵打啊嘛。」雪兒扮嬲扁嘴同橋住雙手。

我走過去扮認低威。


「唔好嬲啦，我既雪兒大人～我最愛既雪兒～」我一邊講一邊係雪兒旁邊嗲佢。
「哼，我大人有大量放過你。」雪兒放返低雙手。

我地兩個繼續靜靜咁望住海龜。

隻海龜慢慢咁爬去海邊，然後不時回頭咁望我地兩個，我地兩個係咁揮手同佢講byebye，海龜回頭望幾次後就爬入左海度⋯⋯