[真人真事][校園][純愛]《總有一天，會再次遇見》: 第七十一章

跟住落嚟就學校考試

考完試就放復活節假

亦都意味著中六就嚟完結

呢排我地都有聽好多有關A Level嘅講座,

又教我地下年應該點樣做





即係jupas嗰啲野呢

真係開始feel到A Level同我地好近

有時同晞澄傾開計,

都有聽到呢個話題

我:「有冇諗住讀邊科 」





晞澄:「唔知呀

冇去特別諗住 」

我:「你實入到u啦

仲未諗信唔信你呀 」

晞澄:「邊有話一定入架





講真我真係冇乜科想讀 」

我:「仲以為你一定有好多科想揀添 」

晞澄:「邊有丫,

其實都係志在個degree

你呢

有冇諗住讀邊科 」

我:「入唔入到都未知啦 」

晞澄:「傻啦,





其實你依家成績同我差唔多

你入唔到咁我都危危乎 」

我:「邊有得同你比呀 」

晞澄:「得嘅哈哈

有咩科想讀啫 」

我:「你揀邊間我咪揀邊間

你揀邊科我咪揀邊科 」





晞澄:「點解咁講呀 」

我:「因為......

咁樣可以有人幫我做埋我嗰份project囉 」

晞澄:「死啦你

咁樣唔使旨意我會同你講我揀乜 」

我:「知你肯嘅 」

晞澄:「唔肯 」

我:「你咁靚女





又咁好人 」

晞澄:「唔肯 」

我:「最多菠蘿油我嘅 」

晞澄:「咁就唔同講法喇

都諗得過 」

其實呢個梗係講笑,

我點會因為一份project,





就想同佢揀埋同一科丫

我相信每個毒男都會明白一樣野

就係有啲野真係好難開口,

所以要不斷不斷咁樣講其他藉口

同埋我會覺得,

如果他日入咗唔同u,

大家個距離會疏遠咗

或者初頭會keep住見,

不過講真,

又有幾多人會保持初衷丫

到時一多野做,

一有野忙緊嗰陣,

點會好似中學咁樣話出嚟就出嚟

當然同一科就梗係更加好啦

不過只要同一間u都已經好滿意,

我唯有用呢樣作為我溫書嘅動力啦

有時真係好搞笑,

會考同埋a level之前嘅準備,

心入面個動力都係同晞澄有關

以前覺得呢啲野好中二病

所以完全冇同人提起過,

不過依家你問起我嘅話,

我會講每次我溫到唔想溫嗰陣,

就會好無聊咁樣喺度諗晞澄

跟住就好似上咗電咁樣,

繼續頂埋落去,

或者晞澄對我嚟講就係一種心癮

只要一諗起佢,

就會做好多出奇不意嘅野而係關於佢嘅.

都唔講太多無聊野喇

好快趣中六就完

咁就又一年,

睇慣呢個故都會知道,

即係晞澄又會搵我影相啦

上年去完圖書館今年又話轉地方,

話去禮堂影喎

影完之後代表今個學期真係完

成班人喺班房再玩多一陣就走咗

跟住晞澄問我暑假會唔會出嚟溫書

好似會考嗰年咁樣

咁我都話冇問題,

有佢喺度有啲乜野唔識都可以搵佢救亡丫嘛

絕對係百利而無一害

晞澄:「都係禮拜一三五 」

我:「冇問題呀

你話點就點囉 」

晞澄:「其實好似仲有好多個月

不過數下數下又唔係真係咁耐

好快又開學跟住就聖誕,

聖誕之後得返兩三個月 」

我:「你咁樣數梗係快啦

開學跟住就聖誕 」

晞澄:「中間嗰啲細節日唔好理啦 」

我:「係嘅你啱 」

晞澄:「咁就乖喇 」

我:「不過時間唔多同意嘅 」

晞澄:「係呀,

抖咗一年又要勤力返 」

我:「有得抖咪算好囉 」

晞澄:「咁又係

繼續俾心機啦 」