[愛情甜故] 因為一次睇到佢打飛機,所以我地變咗做炮友: 137.S322.誰更長情?

夜晚8點
我一個人坐喺吧枱前面，拎住杯Long Island，等住佢嚟
「sorry呀遲咗！」呢個著住suit嘅女仔拉開我隔離張吧櫈坐低
「終於肯嚟啦？靜瑜…」我無奈咁望住佢
「遲咗少少放啫～」佢吐吐舌頭，「你呀…突然約我出嚟飲嘢一定有心事啦！」
佢向住個調酒師招手
「要杯cocktail。」佢同調酒師講，然後望我，「做咩呀？有咩心事？」
「靜瑜呀…」我望住酒杯，指尖落喺酒杯嘅邊緣打轉，「到底等一個人嘅感覺…係點㗎…？」
「講緊咩呀？」靜瑜從調酒師手上接過cocktail
「等一個人嘅感覺囉～」我仍然望住酒杯


「唔…我又冇等過人，但我諗應該唔太好受。」靜瑜諗咗一陣
「嗯…」我點頭
唔知以前佢一直等緊我嘅時候係咩感覺㗎呢…
係無感覺咁等，定係會難受？
我都唔知道…
「你唔係等嗰個你唔會明白！幾耐都好，我等你，你呢？你有冇等過我呀？」
葉子朗嘅說話喺我腦海中閃過
「你享受比人等嘅過程，但冇諗過等你嗰個係幾痛苦。」
我享受比人等嘅過程…？等待嘅人有幾痛苦我真係唔會知道…
「我淨係知道，等待嘅過程從來都唔係一朝一夕嘅事，唔係你肯等就可以有好結果，冇人可以保證你等完之後會有回報。」靜瑜輕輕將放喺枱上嘅酒杯打圈搖，「就好似…呃…」


靜愉靜咗一下，然後望一望我，一副欲言又止嘅表情
「繼續講落去啦…」我望向靜愉，「做咩唔講落去呀？」
靜愉靜咗落嚟，我輕輕一笑
「好似我同葉子朗咁呀…」我望咗靜愉一眼，代佢講出佢未講完嘅嘢，「葉子朗停咗咁耐，最後我地咪又係冇結果～你都係想講呢樣嘢啫…」
「嘻…咁又真係得呢個例子嘛…」靜愉尷尬笑起嚟
「我好似…從來都冇等過一個人…」我拎起酒杯，望住入面橙黃色嘅酒，「所以我…唔會知道等一個人嘅感覺係點…」
我側住頭，然後輕輕打圈搖酒杯
「係痛？係難受？定係點…我唔知…」我搖搖頭，「當我以為一切都已經結束，咁多年嚟嘅重擔都可以放低嘅時候…心入面卻突然有種說不出嘅感覺…」
我放低酒杯，伏喺吧枱，側住頭向住靜瑜嗰邊
「有種…苦澀嘅味道…我唔識點去形容，因為一直都冇試過出現呢種感覺…」我雙眼放空，放鬆咗小腿，唔再踩喺腳踏上面，「葉子朗拋低一本日記，然後就放低咗…我應該開心先係，但宜家…我唔明白…到底我想點樣？」


「唔甘心。」靜瑜果斷咁吐出呢三個字
「唔甘心…？」我望住靜瑜
「係你唔甘心，葉子朗話放低就放低。佢唔再好似以前一樣，呢頭講完，下次一見到你又變番轉頭。」靜瑜冷靜咁講，「你唔甘心，佢今次話放就放，毫不猶疑就放低咗。」
「真係咩…真係因為我唔甘心咩？」我問自己
「你個心點諗冇人知，但有啲嘢你宜家可以用口否認，但係你個心呢？可以否認咩？」靜愉露出淺淺嘅笑容，「講真呀，你個心係點我就真係唔知啦～但係只可以同你講一句，唔係所有事都可以暪得住，有啲事就算你否認都好，都冇辦法暪天過海。」
「你又講啦…講廢話，幫我解決一下問題啦…」我話
「唉…咁你係咪中意人呀？」靜愉真係開門見山咁講
「唔知…」我搖搖頭
「咩唔知呀？」靜瑜皺起眉頭，「連係咪中意人都唔知仲叫我幫你。」
「係掛…」我坐好然後托住頭
「我諗你唔淨止係唔甘心…你係咪後悔？」靜愉定睛望住我
「後悔啲咩？」我冷笑咗一下，「後悔一直想佢放低？我冇…」
「係就最好啦…」靜愉微微一笑，「你厄我冇用，你心知肚明啦～」
「我真係…中意佢咩？」我苦笑起嚟，然後不禁嘲諷自己，「我有咁長情咩？」
「你個心係冇葉子朗嘅位置嘅話，當初你會中意唔到周樂恆？你會咁在意佢嘅一舉一動？你話冇佢嘅位置係假嘅，你在意係真嘅！」靜瑜一臉無奈咁講，「你係中意人咪認囉！咪追番人番嚟囉！」


追？追咩呀…佢都放低咗啦…仲追咩啫…

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link