[愛情甜故] 因為一次睇到佢打飛機,所以我地變咗做炮友: 136.S321.我們只是...陌生人...

我坐喺自己位度，望住個電腦mon，但個腦卻係空白一片…
我想要搵個人，想同佢講呢一刻嘅心情
呢個人…我一約佢就會出嚟
我拎起手機，打開whatsapp，搵到佢
「今晚出嚟飲杯嘢…」
過咗10秒，佢嘅status由「最後上線時間」變成「上線中」
「ok，老地方見」
…
晏就4點半，會議室
「今日有咩會要開？突然call我地嚟嘅？」坐喺我隔離嘅Wing細細聲問我


「我都唔知，總裁淨係話咗今日開會，但係唔知同邊個開會。」我細細聲咁答
呢個時候周樂恆推門入嚟，我、Wing同埋Wing嘅幾個下屬都企起身
「嚟緊我地會同F&A公司合作嘅，推出一個新嘅廣告計劃，呢幾位就係F&A公司負責嘅個計劃嘅人。」周樂恆行入嚟，雙手插住褲袋咁企喺一邊
F&A公司嘅人行入嚟，前面幾個都未見過面嘅，但最後嗰個…葉…葉子朗！
我心入面100倍震驚！點解會係佢？
「請坐。」周樂恆同佢地講，然後望向我地，「咁嚟緊我地都會經常開會㗎啦，呢個project就係阿Wing follow嘅，咁你地有咩都可以搵阿Wing。」
阿Wing微微一笑，點點頭
「咁F&A嘅負責人係Joe。」周樂恆話，「咁Joe你有咩合作上嘅問題或者關於計劃嘅問題就搵阿Wing講就得，佢會話番比我知，咁到時就再處理。」
「合作愉快。」Joe企起身，對Wing伸出手示意
「合作愉快。」Wing都企起身，伸手同Joe握手


我偷瞄咗葉子朗一眼，佢就好似當我係陌生人一樣
「嚟緊有幾個大會係需要present一下進度嘅。」周樂恆望一望我，示意我講比大家知大會日期
「Present有幾個，因為呢個係季度Project，所以每一個月都會開兩次大會。」我望住手提電腦入面嘅schedule，「今個月嘅會喺月尾，而後面個月都會喺5號，最後一個月會喺12號。」
「咁大家mark低咗之後，你地分配一下工作，到時就講下進度同嚟緊計劃。」周樂恆行到門前，我幫佢推開會議室嘅大門，「咁今日嘅first meeting就差唔多，咁之後Wing你就同Joe約時間同分配工作上嘅事。」
「係。」企喺周樂恆後面嘅Wing點一點頭
「Venus，送阿Joe佢地出去啦。」周樂恆望向我
「係，知道。」我點點頭，然後望向F&A嘅人，「呢邊請。」
我將佢地帶到接待處，企喺升降機前
葉子朗企喺Joe身邊，一手插住褲袋，一手垂低拎住文件夾
升降機到咗，門打開，佢地行咗入面，門閂埋咗


葉子朗都係冇望我一眼
我地之間就唔可以再見亦是朋友咩？
我行緊番自己位度，喺我番到嘅時候，周樂恆突然打開門，然後望一望我
「入一入嚟。」佢講完就行番入面
我跟喺佢後面入去
「係咪有咩工作上嘅事吩咐？」我企喺佢張枱前面
「坐呀。」佢朝住櫈嘅方向微微抬一抬下巴
我拉開張櫈坐低
「呢度只有我同你兩個人，唔需要咁拘謹。」佢微微一笑
「你有咩想講？」我問
「我地公司接咗同F&A嘅合作計劃，嚟緊仲會有好多機會見面。」周樂恆講
「我知道。」我點頭
「葉子朗係阿Joe嘅得力助手，所以佢一定會喺度，你要有心理準備會成日見到佢。」周樂恆笑一笑
心理準備…都唔需要啦係咪…？
佢見到我都當我係陌生人一樣啦…仲需要咩心理準備？


「嗯，我ok呀～冇問題喎。」我微笑道
「如果有問題就同我講，我喺人手上再安排一下。」周樂恆以朋友嘅角度出發，怕我見到葉子朗會尷尬
「我真係冇問題，唔洗擔心我。」我話
「總之有問需要同我講。」周樂恆點頭，「冇其他事啦，番出去做嘢啦～」
我行出佢嘅辦公桌，閂埋門
唔會尷尬，我對佢嚟講都只係一個過去啫…已經係一個陌生人

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link