[愛情甜故] 因為一次睇到佢打飛機,所以我地變咗做炮友: 126.S311.欲言又止（上）

大家都各自低頭食飯，又冇嘢講，好尷尬呀！
「你最近點呀…？」洛天恩望一望我
「我？」我有少少驚訝，估唔到佢會先開口講嘢，「都係咁過啦～都係咁樣。」
「嗯…你…」佢突然就好似有口難言咁，但佢最後都係講咗出嚟，「你同子朗佢點呀？」
「冇呀，都係分咗手，冇一齊。」我微微一笑
「嗯…」佢點點頭，無奈咁笑一笑，「其實周樂恆都幾好呀，宜家又係大公司嘅總裁，同佢一齊有咩唔好？」
「佢又真係個唔錯嘅選擇，但係始終冇感覺…」我話，「你呢？最近點呀？都係佢呀？」
「冇啦…唔係佢啦…」佢無奈咁擠出笑容，「放棄咗啦～佢最終都係冇揀到我…」
洛天恩講呢句嘅時候定睛望住我
「佢始終都係放唔低你，都係好想同你一齊…」佢微微一笑，但同時又皺一皺眉


「嗯…」我苦笑
葉子朗嘅心思，我又點會唔知道呢？一直都好清楚咁了解佢嘅心意…但抱歉，我猶疑啦
經歷咗咁多，真係攰啦…人愈大，考慮嘅嘢愈多，如果再咁樣輕舉妄動嘅話…
「佢宜家都係喺呢棟大廈番工。」洛天恩話
「我知道。」我點頭
「你知道佢係因為你，先揀喺呢度番工㗎？」洛天恩笑住咗講，「佢係因為知道你喺呢度番工，所以佢特登揀呢度。」
呢個我就真係唔知啦…
「都差唔多啦，我番上去先啦～」洛天恩睇一睇錶，「下次有機會再一齊食lunch啦～」
佢望開咗飯堂，我坐多咗一陣都走
我拎住3個飯盒，然後番上去繼續工作


「你地要嘅飯呀！」我行到佢地中間
「唔該晒！陣間比番錢你啦～」Wing接過飯盒，然後阿豆同Wind都跟住佢去茶水間食飯
我跟喺佢地後面，行入去沖咗杯咖啡
「你地聽日有咩做呀？」阿豆突然間問
「冇喎，冇咩特別…」Wing諗咗一陣
「聽日咪又係咁過，會有咩做啫。」Wind都係咁講
「Venus你呢？」佢回頭望住喺後面沖緊咖啡嘅我
「唔…都係番工啫，可以有咩嘢做呀？」我疑惑咁問
「聽日係白色情人節喎！」阿豆一臉驚訝，「冇約人咩？咁就要小心啲啦～」
「你先要小心呀！」我笑一笑，然後拎起沖好嘅咖啡，「我番去做嘢先啦！」


我番埋位坐低開始做嘢，正打算開始做嘢嗰陣，放喺枱頭嘅電話響起
「喂？」我拎起電話
「入一入嚟。」
我掛斷電話，然後起身，行到去周樂恆嘅辦公室前敲門
「入嚟。」入面傳嚟佢嘅聲音
我推門入去，佢正低頭簽緊文件，佢合上嗰緊份文件，然後遞比我
「比番佢地。」佢話
「好，冇問題。」我行前接過文件
當我正打算出番去嘅時候，周樂恆叫住咗我
「芷諾。」佢叫住我，「爸爸媽媽話好耐冇見你，難得你番嚟，想見你一面，一齊食餐飯。」
「哦，好呀。」我點頭，我轉身打算行番出去嗰陣，佢又叫住咗我
「芷諾。」佢再次叫住我
「仲有咩事？」我再次回頭望佢，輕輕側頭
「冇…冇嘢…」佢一副欲言又止嘅模樣，然後搖搖頭，「出番去做嘢啦。」
我點點頭，然後打開門出去，輕輕力關上木門


…
「呼…」我望住枱上完成嘅一份一份文件，「搞掂…」
我望一望錶，已經6點鐘
「行啦。」周樂恆喺辦公室走出嚟
「好…」我收拾好個人物品，然後就跟住佢落去停車場
坐喺車上面，佢駕着車，我坐喺佢旁邊嘅副駕，半個鐘左右就到咗佢屋企
佢用鎖匙開屋企大門，我跟喺佢身後行入屋
「世伯，伯母…」我點點頭
「你嚟啦？等多陣就有得食㗎啦！」伯母喺廚房行入嚟
「佢因為你嚟，所以要特登親自下廚。」世伯坐喺梳化上面睇新聞，「坐下先啦，或者跟Alvin上去休息陣先啦。」
「跟我上去啦…」周樂恆話
我跟喺佢身後，然後跟喺佢入房
「坐啦…」佢行到去衣櫃前面
我坐喺放喺窗檯隔離嘅嗰張單人小梳化上，望住窗外
佢除咗西裝外套，行到放喺我對面嘅另一張單人小梳化上坐低


我望佢嗰陣，佢又係一副欲言又止嘅模樣
「做咩呀？有嘢想講？」

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link