[愛情甜故] 因為一次睇到佢打飛機,所以我地變咗做炮友: 115.S258.<結局>重新活一遍

「喂!」我推開佢，「你又發咩神經呀!」
「方芷諾，你放過葉子朗啦好唔好呀!你當我求下你啦!」佢捉住我隻手
「我一早放咗佢走㗎!你想點呀?宜家係我求你放過我呀。」我推開佢隻手
「點解你要纏住子朗呀?冇你嘅話我同子朗唔會分手㗎!點解你嘅出現令佢眼中淨低你嘅存在呀?」佢好激動，「你明明已經有周樂恆，仲有埋BB，點解佢仲唔肯放棄呀!?我愛佢，但佢唔接受我，偏偏個心只有你!等咗佢咁多年，但原來我只係你嘅替代品!你一出現喺佢眼前，佢就好似搵到佢嘅世界咁!我有邊度輸比你呀!」
由中學時代開始，唔係，應該係佢兩個分咗手嗰一刻開始
葉子朗眼中的確只有我，呢個...我知道...
咁多年嚟都知道...
但係...現實係現實呀...永遠唔可能同理想一樣美好...
「總之我冇纏住你個葉子朗，你要嘅，你咪用你自己嘅方法去打動佢囉!」我行過佢隔離，想拉開門走
「方芷諾!」佢即刻拉住咗我


「點呀?放手呀!」我想甩開佢隻手
「只要你消失咗，子朗係咪就會番嚟我身邊呀?」佢好似自言自語咁
「你痴線㗎!?」我用力想將佢捉住我嘅手拉開
佢用力逼住我後退到樓梯邊，如果我向後跌就弊啦
我想推番佢埋去，但我愈用力，佢就更大力
我就嚟冇力抵抗嘅時候，佢用力咁推咗我一下
我即刻後退咗一步，一個踩空，就向後跌
滾咗落樓梯去到平台停低，好暈...好痛...
「Venus!」迷糊間仲見到阿Wing同阿豆衝咗入嚟後樓梯
阿Wing跑咗落嚟


「豆!快D去搵總裁!」佢同阿豆講，「Venus!Venus!」
阿Wing扶起我坐起身，靠喺佢身上...
血...
......
「你醒啦?你點呀?」第一個映入眼簾嘅人係周樂恆
「你覺得點呀?有冇邊度唔舒服呀?」我媽媽坐喺床邊捉住我隻手
爸爸媽媽，佢嘅爸爸媽媽都喺度
我嘅手下意識放到肚上面，掃咗一掃
我嘅手放喺肚上，但卻感覺唔到我嘅BB嘅存在...
BB喺媽媽嘅肚入面，BB嘅一切，媽媽都會感受到


BB你喺度做緊咩呀?你喺度㗎係咪呀?
媽媽叫緊你呀，聽唔聽到呀...?你感受到媽媽對你嘅愛㗎可?
比D反應我呀...
你喺邊呀...?
我想再感受到我肚入面係有你嘅存在...話比媽媽知你喺度啦...
眼前嘅一切事物都突然變得蒙糊，眼睛濕潤起嚟...
淚水從眼角滲出嚟
「對唔住...」周樂恆道歉
我搖搖頭
「你地可唔可以...出一出去...我想要自己...一個人...靜下...」我輕輕咬唇
等到大家都出晒去嘅時候，我用被蓋住頭然後喊起嚟...
......
等到出咗院之後，我同周樂恆商量好，決定簽紙離婚
我收拾好行裝，將放咗離婚協議書放喺枱面
拉住行李箱嘅我行到去門口，再回頭望一下呢間屋


去到門口，周樂恆企喺門口
「真係唔洗我送你去機場?」佢問我
嗯...我去個trip散下心...我會番嚟香港嘅
「嗯，唔洗啦!總裁應該番公司做嘢啦!」我笑咗一笑
「好，聽你話...」佢點點頭，然後張開雙臂，「goodbye hug。」
我無奈咁笑咗一笑，然後攬住佢
「一路順風。」佢拍拍我個頭
我點頭，佢鬆開咗手
「散完心好番嚟啦!公司好忙㗎!」佢話
「知啦!我會番嚟。」我笑一笑
「好啦，拜拜...」
「嗯，拜拜...」
踏出呢個門口，我就要重新活一遍啦!
我拖住行李箱，搭機場巴士去機場
「下一站：香港國際機場一號客運大樓」


我拉住行李箱落車，一落車，見到一個好熟悉嘅臉孔
「方芷諾...」佢走近我，我除低耳機
見到佢嘅一刻，嘴角好自然就揚起嚟
「我會...繼續等你...」佢露出笑容，牽起我嘅手
<全文完>

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link