[愛情甜故] 因為一次睇到佢打飛機,所以我地變咗做炮友: 116.S301.我和你，緣分的糾纏

S3前言：
因為見大家都好想呢個故出第三季，所以就寫咗第三季啦～希望大家繼續支持啦～大家中意睇就好了
…
「葉子朗…？周樂恆…？」我望住眼前嘅兩個男人嘅背影
我伸手想去觸碰，但偏偏觸及不到
明明就企喺我眼前，但點解我同佢地嘅距離又會離得咁遠？
我行前一步，然後伸手，想去捉住葉子朗
但喺我快要碰到佢嘅時候，佢開始向前行…頭也不回咁向前…
「子朗…！」
我想要追上去，但係雙腳離唔開地面，我眼白白就望住葉子朗嘅背影慢慢愈嚟愈遠，愈嚟愈矇矓…


呢個時候，周樂恆回頭望我，然後微微一笑
但係佢嘅笑容喺一瞬間就消失咗，佢變得唔再開心
淚水滑過佢嘅臉頰，佢向後退
退了幾步，然後就轉身離開了…
兩個影響我一生嘅男人，就係咁樣消失咗喺我面前…
係咪因為我嘅錯而變成咁樣？點解要咁樣呀？我唔想要咁樣！
呢個時候四周由白色開始變成黑色
黑色慢慢滲透咗每一個角落，整個成間都逐漸染成黑色，白色被吞噬…
「唔好呀！」我蹲下來尖叫，「唔好呀！」
喺我消失喺黑間之中嘅嗰一個瞬間，我回到了現實


我喺床上面坐起嚟
我望一望四周圍，我坐喺酒店嘅床上面，成個人出晒汗
「原來…係發夢…」我一個人喃喃自語，手拍咗額頭一下
我走落床，然後行去廁所洗個面
我嚟咗Paris已經有半年，喺呢度周圍去睇下，行下
本來以為…我已經可以放低過去，重新出發…
但係原來並唔係…我成日都會發夢，夢到以前嘅事
夢到葉子朗…夢到周樂恆…
以前嘅事，就好似一個烙印咁，印咗喺心入面
永遠都提醒住我，一步錯，步步錯…


做錯事，冇得番轉頭啦…
葉子朗傷咗我嘅心，周樂恆嘅真心我冇接受，孩子亦冇保住，大家都離開啦…
我以為我可以捉住葉子朗嘅心，但原來唔係…
一個早就出軌嘅男人，可信咩？有第一次，就會有第二次…
我都想要有一個家…但早已家不成家…
我同周樂恆因為孩子而結婚，本來以為有咗小朋友，一切都冇所謂，但孩子冇啦…家，破滅啦…
我抬起頭望住鏡中嘅自己
「方芷諾…你早已錯到番唔到轉頭啦…」
一個只有24歲嘅女仔，經歷咗婚姻失敗，滑胎小產
係我嘅問題，定係一切都係上天注定？
今日就要番去香港啦…已經買好咗機票…
方芷諾呀方芷諾…今次番到去，要好好面對自己嘅過往啦！
葉子朗唔值得你去愛，唔好再因為佢而動容啦！
你要記住佢係點對你，知道嗎？
我換好衫，拉住行李箱行出酒店房，步出酒店，搭的士去機場，番去我真正嘅家啦！


…
我拉住行李箱，踏出接機大堂
一行出去，我就見到兩個熟悉嘅身影
「爸！媽！」我拉住行李箱跑向佢地
「阿囡你番嚟就好啦！」我媽眼泛淚光，然後攬住我
係媽媽嘅擁抱…好耐都冇感受過…
「番嚟就好啦。」爸爸微微一笑
「嗯！我以後會好好賺錢㗎啦！要你地擔心我，對唔住…」我眼眶濕潤起嚟
「唔緊要…養兒一百歲，長憂九十九…」爸爸拍拍我嘅博頭
「我地番屋企啦…」媽媽講嘅呢句話，特別溫暖…
番屋企…嗯！我有屋企㗎！有爸爸媽媽嘅地方，就係我嘅避風港
就算有風吹雨打，佢地永遠都會等我，屋企嘅大門，永遠會為我而開
我地搭巴士番到屋企樓下，媽媽突然停下來
「屋企冇晒鹽啦，要去買。」媽媽講咗句
「聽日先買啦…」爸爸話


「唔得～阿囡番咗嚟，今晚要煮餐好嘅比阿囡食，講起就記得，仲要買餸！」媽媽望住我
「唉…真係…」爸爸無奈咁嘆咗一口氣
「爸，你陪媽媽買啦，我想番去休息下先。」我微微一笑
「嗯…好啦…」爸爸點點頭，然後就同媽媽一齊轉身走，「行啦…」
我企喺原地，望住佢地嘅背影，然後心中都覺得好暖好暖
直至佢地嘅身影消失喺我眼前，我先拉住行李轉身
我嘅手放喺行李箱嘅手柄上，正當我想要邁步行嘅時候，我覺得我正前方有人望住我
佢慢慢咁向我走過嚟，行李箱停喺我腳邊，我愣愣咁企喺原地
佢行到我面前，我同佢之間相隔兩個身位，佢輕輕咁呼喚我嘅名字
「方芷諾…！」

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link