[愛情甜故] 因為一次睇到佢打飛機,所以我地變咗做炮友: 105.S248.忙碌的日子

今日終於完咗啦...攰死啦...
我灘喺梳化度，手攬住個坐墊...
每日都係咁嘅生活，原來時間都會過得快咗
你知唔知呢一個幾月係幾辛苦呀?
我每日番工放工都要對住佢...
坐喺副駕嘅我，一係就望住車窗出面嘅一景一物，一係就耷低頭㩒手機
坐喺司機位嘅佢，就好專心咁揸車
成程車唔係唔講嘢嘅，不過少囉...
每日喺公司就一齊食lunch，仲有阿Wind佢地三個
好彩唔係得我同佢食咋...


如果唔係!?真係尷尬死!!!
不過呢個幾月真係好忙，因為公司接咗單大project
周樂恆要出去見其他公司嘅老闆傾生意
咁我呢個做得秘書嘅，就梗係要跟埋去啦~
朝9晚10...忙到死又攰到死...
仲要著住對高踭鞋周圍行，番到屋企一除咗對鞋 就覺得對腳痛到要死...
不過唔緊要啦，搵到份好工，有份可觀嘅收入，辛苦D都唔緊要!
......
「阿Wind，張生嗰度點樣?」坐喺主席位嘅周樂恆問
「張生話雖然暫時嚟講都幾滿意，不過要再睇定D先會作決定。」阿Wind話


「好，Good job，跟緊D，佢要咩都盡量做比佢，呢單大生意一定傾得成。」周樂恆好有信心咁講，「仲有冇其他嘢?冇嘅話就可以散會。」
大家都冇咩講，冇議異，散咗會之後周樂恆叫住咗我
「今晚要去見飛翔集團嘅陳生傾嘢，你記得到時到候入嚟提我。」佢同我講
「好。」我點點頭
我番到埋自己位做嘢
真係...枱頭上面D嘢多到做唔晒，我望住個電腦mon都望咗成幾個鐘，我連廁所都冇去過
今晚仲要陪佢見客，要mark備忘比佢
唉...真係...攰死...
件事都過咗差唔多兩個月，我同周樂恆宜家除咗公事之外，真係好少講其他嘢
唔知呀...心中有芥蒂掛


「Venus，酙咗杯水比你，見你好似全日都冇行開過咁。」阿Wing拎住杯水行過嚟，佢將杯水放喺我枱面
「唔該你呀~」我一臉感激咁抬頭望住佢，「今日忙到冇停手呀!我連toilet都冇去過呀!」
「加油呀!今晚你仲要見客。」阿Wing拍一拍我博頭
「嗯，我會㗎啦~」我微微一笑
我要加油呀!
......
6點鐘
「叩叩...」我敲門
「入嚟。」去聽到佢講，我就推門入去
「總裁，夠鐘啦。」我企喺門口
「好。」佢點頭，然後拎咗掛喺後面嘅西裝外套
佢行出嚟，然後我跟喺佢後面行
揸車到咗之後，我同佢去咗一個VIP房嗰度
嗰個陳生就坐咗喺入面
一行入去，陳生望到我，然後就用一個色迷迷嘅眼神嚟望住我


「陳生你好呀!」周樂恆留意到佢望住我，然後即刻就擋咗喺我面前，然後伸手同佢握手
「你好，年輕才俊果然係唔同D。」陳生笑住咁講
「陳生你太誇獎我啦!坐啦!」周樂恆同佢講，然後偷偷地將我拉到另一邊，隔開咗我同陳生
「呢個你秘書呀?」陳生望住我
「哦，係呀!」周樂恆笑住咁點點頭，「食嘢呀陳生。」
「你飲唔飲酒㗎?」陳生問我
「我...」「佢唔飲得酒㗎。」
我都未講，周樂恆已經幫我答咗
全程周樂恆都避免我同嗰個陳生有接觸，下下都護住我
傾咗成兩個鐘，最終都係傾成咗
「好，合作愉快。」陳生同周樂恆握手
「承你貴言。」周樂恆笑咗一笑，「咁我地先走啦。」
我同周樂恆就咁就走咗
我同佢離開咗間酒樓之後，我地行番去停車場嗰度攞車
我地行到去停車場，啱啱推開防煙門行咗兩步就覺得暈暈地


「做咩呀?唔舒服呀?」周樂恆即刻扶住我
「冇...」「喂!芷諾!」

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link