[愛情甜故] 因為一次睇到佢打飛機,所以我地變咗做炮友: 104.S247.尷尬期(下)

食飯嗰陣，雖然大家都係有講有笑，但係...始終都係有小小尷尬
突然電話響，因為我部手機放咗喺近周樂恆嗰邊
所以手機一響嗰陣，我同周樂恆都低頭望一望
「死人葉子朗」
手機個mon顯示咗呢一個名，我稍微望一望周樂恆，佢又望一望我，然後一臉不爽咁繼續食飯
「我去聽一聽個電話。」我企起身，然後行咗去出面個花園位嗰度
「你打嚟做咩呀?」
「芷諾!比多次機會我呀!」
「我講咗我同你分咗手，我唔會比多次機會你!」
「芷諾呀!我真係...」「唔洗講啦!冇機會呀!」


我掛斷咗電話，然後就轉身打算番去
「呀!」
成個人牆喺我面前，我一擰轉面就撞咗落去
「周樂恆?你企喺度做咩呀?」我細聲咁問佢
「佢又打比你呀?」 佢問我
「嗯...」我點點頭
「方芷諾...」佢認真咁望住我，「同我一齊好唔好?我係認真㗎。」
「番緊工㗎!你講咩呀?」我皺一皺眉頭
「我講真㗎!亦係認真㗎!」佢捉住我隻手
「唔好再講啦!」我甩開佢隻手，「我知呀!我知你中意我呀!但...我唔可以同你一齊㗎!」


「點解呀?我唔明呀!」佢疑惑咁問我
「我唔配擁有...亦唔敢再有...我唔想再開新嘅戀情啦!」我嘅淚水從眼眶中湧出嚟，「每一次都會遍體鱗傷...我唔想啦...唔想再咁樣啦...恆，我知道你對我好呀，但係我...對唔住，我真係冇辦法接受你。」
我講完要講嘅說話，我就直接從佢嘅身邊走過，推開玻璃門番入去
佢地一早食完番咗上去
我番到上去，就去咗toilet收拾一下
我望住鏡中嘅自己，好彩唔係喊得好嚴重，個妝都冇點溶到
有人推門入嚟，我就從鏡中望過去門嗰邊
「洛天恩...」我望向佢
「乜係你呀...」佢走到我隔離，「上次嘅事...好對唔住...」
「唔緊要...」我微微一笑，「我番出去做嘢先。」


「方芷諾!」佢叫住咗我，「子朗佢...真係好中意你㗎!」
「嗯...」我微微點頭，「過去咗嘅事就唔好再提啦...」
我拉門出去
佢再好，再中意我又如何?佢點對我?
人...係要向前望㗎...
......
今日晏咗收工，簡單D嚟講即係我開OT，被開OT...
「Venus你可以走㗎啦。」周樂恆從佢嘅office行出嚟，拎住個公事包
「好。」我點點頭，執埋D嘢，「你唔洗等我，我自己搭車番去就得㗎啦~」
「唔洗啦，我車你番去啦。」佢拒絕咗我嘅提議，「我去攞車先。」
佢講完就自己行咗去
咁我唯有跟佢車番去啦...
落到停車場，佢將架車駛到我面前，就好似平時一樣
「其實你真係可以唔洗車我番去...」我一臉尷尬咁講
「得啦。」佢只係點點頭


其實真係好尷尬，點解仲可以扮到好似冇事發生過咁?
「我對你係點，你知道就夠啦...我唔需要你故意勉強自己比個答覆我。」佢好似不經意咁講出口
「嗯...」我微微點頭
「好啦，到啦!早D番去休息啦!」佢望住我笑咗一笑
「嗯...聽日見...」我露出疲倦嘅笑容

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link