[愛情甜故] 因為一次睇到佢打飛機,所以我地變咗做炮友: 106.S249.好事?壞事?

咦...呢度係...邊度呀...
「你醒啦?你覺得點呀?」我向我左邊望過去，係周樂恆
我用手支撐住成個人，慢慢坐起身
「小心呀...」周樂恆幫我整好個枕頭
我坐咗起身嘅一刻先發現，原來我喺醫院
「點解我入咗醫院嘅?宜家幾點呀?」我問佢
「第二日啦，唔洗擔心，公司嗰邊我幫你請咗假㗎啦。」佢話，「我叫醫生過嚟先。」
醫生行到過嚟
「Doctor Wing佢點呀，做咩會突然暈低嘅?」周樂恆問醫生
「周生你唔洗擔心，方小姐都只係太過操勞，所以先會暈低啫~」Doctor Wong微笑住咁講


「好...就係咁?」周樂恆追問
「方小姐，嚟緊你都唔好太過操勞啦!你已經懷孕差唔多兩個月啦，所以...」
醫生之後講嘅嘢...我一句都聽唔入耳...
唯一可以入到我耳中嘅，係「懷孕」呢兩個字
懷孕...即係我...我...有咗...?
一擊即中...開咩國際玩笑呀?
我...之後要點算呀?我點同我呀媽講呀?同佢講我有咗?因為一次one night stand...所以有咗?
點算...我嘅人生要點算...
「Venus...?」周樂恆坐低咗喺我床邊，然後拍一拍我
「我...我有咗...」我仍然未可以相信，啱啱醫生講嘅嘢，係事實...


「Venus我會對你負責任㗎!」佢即刻講
我冇答到佢，只係一臉呆滯咁坐喺病床上
「你可唔可以...出一出去先呀...」我深呼吸，然後同佢講，「我想要...冷靜下...一個人...」
佢一臉擔心，但都點頭答應，然後出咗病房
點算呀...
我個腦咩都諗唔到，我抱住雙腳，我將頭埋到雙腿中間
「點算呀...」「叩叩。」
「邊個呀!」我已經好煩，仲要呢個時候有人煩我
「係我呀...」佢輕輕推開咗門
「靜愉...」我抬頭望向門口嗰邊


「我知咩事啦...所以即刻嚟搵你...」靜愉坐喺我床邊
「靜愉，點算呀!宜家點算好呀!」我攬住佢喺度喊
「乖，唔好喊唔好喊...凡事都有方法解決嘅...」靜愉拍拍我背脊安慰我
「嗯...」我點點頭
我真係唔知點算，個心好慌，好驚，好擔心...
有咗...對一個得23，24歲嘅女仔嚟講係一件幾遙遠嘅事?
連婚都未結，事業都未有成，就話要生仔
係好遠好遠嘅事嚟...
但宜家...我隻手放喺小腹上面，心中竟然有落咗佢嘅想法...

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link