[愛情甜故] 因為一次睇到佢打飛機,所以我地變咗做炮友: 87.S230.撕裂的心痛

「兩個相愛的人究竟犯什麼錯 需要愛得如此折磨」
真係可笑...
相愛?稱得上係相愛咩?
折磨...折磨緊邊個?
係折磨緊我?定葉子朗?定係...洛天恩?
比多次機會佢，係我蠢定係我善良?
大概係蠢...
「我唔敢㗎啦!我真係真係唔敢㗎啦!」葉子朗捉住我隻手
「你同佢...係幾時又一齊番㗎...」我咬緊牙關忍住心中嘅怒與悲
「我...」佢唔敢講


「講呀!」我大聲咁吆喝道，我大概從來都冇試過用呢種方式同佢講嘢
「喺...喺你去咗英國之後...有一次我落咗酒吧...撞到佢...同佢飲酒...之...之後...」佢又開始唔敢講落去
「繼、續。」我望住佢，已經唔想再吆喝佢
「之...之後因為大家都飲到醉晒...所以...所以...就上咗酒店...開房...第二日起身我都好後悔㗎!但...但佢又一直纏住我!」葉子朗繼續解釋
「嗯，即係你同佢開始咗啦!係咪呀?」我問佢，連我自己都感覺到自己嘅說話有幾冷淡，「唔好講大話。」
「係...係!」佢唔敢望住我
「明白，即係我係第三者，你引我入圈套入面。」我笑咗一笑，「好，既然係咁...我地分手啦!」
「但你...你啱啱話比多次機會我㗎!」佢慌張咁捉住我講
「係，但我宜家決定，唔比啦，分手啦，結束啦。」我笑咗一笑
「你點可以咁樣?我等咗你四年...」「嗰四年你冇等我，你同佢開始咗。」


我打斷佢嘅說話
「我真係唔可以冇咗你!你唔好同我分手!」佢搖搖頭，眼淚都就嚟要流出嚟
我一下用力甩開咗佢隻手
「你咁對我，我仲點同你一齊?」我冷笑
「好...你要分手嘛!分啦!我一定會追番你!」佢一臉堅決咁講
一次不忠，百次不容...
佢不忠在先，我又點顧我同佢之間嘅情?
我同佢...係咪要到此為止啦?
其實講真嗰句...
我個心又點會唔中意佢?


我係中意佢，係愛佢
但我真係接受唔到再一次被背叛嘅感覺
被背叛嘅嗰種感覺真係好痛，好難受
比自己中意嘅人，愛嘅人背叛，真係好似要死咁，係被撕裂嘅心痛
係心靈上嘅痛，令你覺得痛苦，想喊但又淚乾了
除咗我呀爸，呢個世上改變咗我嘅兩個男人，有兩個
一個，係周樂恆；另一個，係葉子朗
呢兩個人，一個係我曾經深愛嘅人，一個係我宜家深愛嘅人
但呢兩個人，卻令我經歷咗「被撕裂嘅心痛」...
真係可悲...
周樂恆令我第一次體會到心臟被撕裂嘅感覺係有幾痛
但亦因為咁，我學識咗保護自己...
曾經義無反顧咁去愛一個人，但佢冇珍惜我嘅真心，什至背叛
所以，我唔會再咁輕易去愛一個人，唔會再咁輕易咁將自己嘅真心交托比人
但卻出現咗一個令我愛嘅人，我經過咗一段長時間，知道我可以交托真心比呢個人


呢個人，係葉子朗
我以為我同葉子朗真係可以一直一齊㗎啦!
但原來係我多心啦...
佢令我第二次體會到心臟被撕裂嘅感覺
我真係好愛佢，但對唔住...我承受唔到第二次嘅撕裂
撕裂一次...已經夠可悲啦...
我真係無力再去縫補...我唔想承受啦!
以前嘅葉子朗，成日都同我講想我係佢女朋友，好想我同佢一齊
佢唔中意洛天恩，因為比唔上我對佢嘅好，有咩事都會喺佢身邊
佢成日都話想我同佢一齊，大家都對對方有意思，但偏偏時間唔啱
佢成日都話有幾中意我幾愛我，但現實擺在眼前
佢話會好好對我，但偏偏宜家對我唔好嘅...係佢...
雖然以前真係比較好，但人總不能原地踏步...一定要向前走...

回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link