[愛情甜故] 因為一次睇到佢打飛機,所以我地變咗做炮友: 86.S229.突如其來(下)

「葉子朗...你咩都未搞清楚...就打我...」我用手輕輕蓋喺左臉頰上
佢冇出聲，只係一臉愕然咁望住佢自己嘅右手
「多謝你...摑咗我一巴...」
我講完呢句，就行走咗，但我並唔係番屋企...
今日葉子朗咁樣突然摑我一巴，同當日嘅洛天恩有咩分別...?
嗰日...我比洛天恩摑咗一巴
葉子朗當住所有同學面吆喝佢
我記得當日佢擋喺我身前，然後同洛天恩講
「宜家邊個委屈D呀?人地咩都唔知比你打咗一巴呀!你仲要鬧人地?」
嗰日嗰個為咗護住我而擋喺我身前嘅葉子朗...


今日...佢摑咗我一巴...
我咩都唔知...然後比佢打咗一巴...
哈...呢個世界真係荒謬...
當日護我嘅人，今日變成咗打我嘅人
好可笑呢...
我一直行，沿住行人路行
行到咁上下，突然落起大雨
搞咩呀?電視劇咩!突然落大雨嘅!?
我跑到去一個巴士站嘅亭嗰度坐低等停雨
葉子朗會唔會淋到雨㗎!?


我一諗到呢點，我就即刻企咗起身想跑番去
「但...佢又點會仲喺度...」
我諗到呢點，又停咗喺度，坐番低
唔緊要㗎方芷諾!佢要講分手就講啦!佢唔講就你講啦!
反正佢都搵番洛天恩，比番佢囉
方芷諾你先唔係D咩脆弱嘅人呀!你好堅強㗎嘛!
停雨了...我慢慢咁行番去...
我離遠見到佢仲坐咗喺度
啱啱咁大雨，佢冇走到?
但我見到有另一個女仔行到佢面前...


個女仔...係洛天恩...
我等咗喺大樹嘅旁邊，我冇行過去，我停咗喺原地
洛天恩同佢講咗兩句，但葉子朗搖搖頭，洛天恩就轉身走咗
我繼續向前行...
我行到去耷低咗頭嘅佢面前，佢連頭髮都仲滴緊水...
佢感覺到有個黑影擋住咗光，佢抬頭望我
「芷諾!」
佢用咗0.1秒嘅時間即刻企咗起身，然後用力咁攬住我
「對唔住呀!係我錯!係我太衝動!」
用力嘅擁抱，如果啱啱我冇睇到嗰幕，亦唔知道佢同洛天恩有路，或者我會即刻心軟嘅...
係囉...「如果」
但可惜，我知道，我亦睇到...我推開咗佢
「芷諾，對...對唔住!你知我係緊張你，在乎你，所以...先咁樣㗎咋!」
我捉住我雙肩，我完全feel到佢有幾用力
「你知道我係因為好中意好中意你，所以我先會咁樣...」「藉口。」


喺佢講完佢要講嘅嘢之前，我打斷咗佢
聽住佢咁講，我真係覺得周身唔自在，或者係因為我已經知道咩事...
「你有幾中意我呀?你頭先仲攬緊第二個...」我目無表情咁望住佢，我咁講，我親眼見到佢...瞳孔地震了...
「你講咩呀?」佢一臉不解咁問我
「唔好扮...你同佢大概係去咗開房啦~係咪呀?」我露出一個零感情嘅微笑
「咩佢呀?你講咩呀...」佢仲要扮唔知
「我講緊嘅嗰個佢，係洛...天...恩呀。」我用力推開佢，佢退後咗兩步
佢冇出聲，大概係因為我知道咗秘密了
「喺我由英國番嚟之前，你兩個已經有嘢啦~係咪呀~」我笑住咁問佢，「我本來都唔信㗎~但今日比我睇到...你兩個喺後巷做嘅嘢...我就信啦~」
「芷諾...」佢耷低咗頭，唔敢望我，「對唔住...比多次機會我呀!我唔敢㗎啦!我唔會再搵佢㗎啦!我...我發誓呀!我...我唔會㗎啦!真係唔會!」
「葉子朗...我本來仲以為...我今次番嚟香港，終於可以同你正式開始...但原來係我諗多咗啦...」我望住佢，眼神大概...從未如此空洞過
「比多次機會我呀!一次!我唔敢㗎啦!你知道我係中意你，我係愛你㗎!我唔敢啦!對唔住!比多次機會我呀!」佢捉住我雙手，「芷諾!一次機會!我唔敢㗎啦!我真係唔會再搵佢㗎啦!我係一時糊塗先會比佢有機會埋身，但我唔會再比機會佢㗎啦!你信我呀!」
我個心都好迷惘，唔知點算好
但我決定...比多次機會佢...
「我比多次機會你...」我淡淡咁講


「嗯!我唔會再搵佢㗎啦!」佢用力咁點頭
但我咁做...啱唔啱?
我真係應該比多次機會佢咩?
但我諗...佢應該唔敢㗎啦...

回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link