[愛情甜故] 因為一次睇到佢打飛機,所以我地變咗做炮友: 88.S231.回憶篇:失去後

「葉子朗!快D開門啦...」我心急如焚咁不停㩒葉子朗屋企門鐘
過咗成5分鐘啦!都冇人開門嘅...
我從我個袋入面拎咗佢屋企嘅鎖匙出嚟，係佢之前比我嘅
我打開鐵閘，大門，一打開門就見佢坐咗喺梳化前面飲緊酒
我即刻閂好晒個閘同門，除鞋
「喂!你又飲!」我行過去拎走佢手上嗰個啤酒
我望一望佢隔離，成個地下都係啤酒罐
「葉子朗你到底飲咗幾多呀!?」我皺起眉頭望住佢
我執起喺地下嗰D空罐掉晒去垃圾桶，然後拎起嗰D未飲未開嘅放去廚房
「唔好再飲啦!再飲會死㗎!」我搶走佢手上嗰罐拎埋去廚房


「方芷諾...方芷諾!」
我先啱啱行到去廚房門口，佢就叫我啦...
我放低咗D啤酒之後就行番出廳，葉子朗個頭i咗喺梳化個坐墊度
「你今日又做咩呀?做咩又飲酒呀?又飲到咁醉呀?」我行到佢隔離坐低
佢仲着住校服，睇嚟佢一放學番嚟就飲...
「又同洛天恩嗌交呀?」我幫佢除咗條校呔落嚟
佢一聽到我講呢個名，就即刻擰過嚟望住我
「唔好再提佢啦!」佢擰過嚟就攬住我
「做咩呀~」我輕輕摸佢個頭，「又發生咗D咩事呀?」
「方芷諾~」「喺你隔離啦~」


有時覺得，葉子朗醉咗就好可愛，塊面紅卜卜咁，而且絕對會撒嬌
雖然會有D痴身，行開一步都唔得，一定叫住你
「方芷諾~」「點呀?我喺你隔離啦...」
佢抬頭望我，然後坐好，之後慢慢咁靠近我，就錫落嚟
「嘻嘻...」佢笑咗一笑，「終於錫到你...」
「又唔係第一次錫我...」我好細聲咁講
佢坐咗上梳化，然後拍拍佢隔離個空位
我坐咗喺佢隔離，佢i咗落嚟我博頭度
葉子朗一i咗落嚟就瞓着咗
「如果佢...都好似你咁好...就好啦...」佢發開口夢咁講


「你宜家...終於知道我嘅好啦咩?」我苦笑起嚟，「失去咗先識得珍惜嘅道理嗎?」
好多時，人都要喺失去咗佢以前忽略咗嘅嘢嗰陣，先會後悔，諗番點解當日唔好好珍惜
所有人都會顧住當下嘅事物為佢帶嚟嘅第一感覺，印象先下判斷
印象唔好，就會拒絕，但當過咗一段日子之後，就會覺得後悔
反問自己點解當然會留意唔到佢嘅好，但都只可以講一句後悔太遲
「你對我好...係想要彌補?定係別有用心...」我自言自語，「一時冷淡一時熱情...又冷又熱...會病㗎...」
我見佢瞓着咗，我就入房拎咗佢張被出嚟蓋喺佢身上
然後我就走咗，冇喺佢屋企過夜
我竟然冇喺佢屋企過夜!?
係呀...要番屋企趕project呀...
......
第二日我照常行番同一條路番學
「喂!」有人拍我博頭
「好精神啦你...」我唔洗望過去都知道嗰個人係葉子朗
「都係㗎~」佢身向前傾，然後望一望我，「你琴晚唔留低嘅?」


「見你瞓咗嘛。」
佢突然拉住我，微微彎下身，伸手放喺我臉頰上面
「我瞓咗你就唔留低㗎啦咩?」
「喂!陣間有人行過呀!」我想推開佢，但佢用騰空出嚟嘅手捉住我手腕，「喂!陣間有我地學校嗰D人行過，就比佢地睇到㗎啦...」
「怕咩啫?」佢微微一笑
「你有女朋友㗎...比人睇到就麻煩...」我撇開臉
「你錫我一啖，我就放你走~」佢細聲咁講
「我唔要呀...」我搖搖頭
「你唔錫我一啖就冇得走，陣間D人行過就睇到㗎啦~你自己諗過啦~」佢偷笑
我稍稍抬頭望佢，不情願咁踮高腳尖喺佢臉頰上錫咗一啖
「得未呀...」我推開佢隻手
「得啦~」佢放低咗放喺我臉頰上嘅手
我推開佢，然後急步走
痴線啦!!!一大清早就要咁!!!
「呀!」我顧住耷低頭行，成個人撞咗落個唔知咩度



回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link