[愛情甜故] 因為一次睇到佢打飛機,所以我地變咗做炮友: 81.S224.舊記憶(上)

一番到公司，我又繼續對住部電腦，繼續做嘢
「唉...」我伸咗個懶腰
望一望手機，原來又到咗6點
「你走未呀?」阿Wing佢地咩埋袋過嚟搵我
「總裁都未走，作為秘書點可以走...」我指一指仍然着住燈嘅房，「你地走先啦，聽日見。」
「咁我地走啦!」阿豆同我講，「咁我地走啦!」
我同佢地揮揮手講再見
我望一望我身後嘅房，仲着住燈
其實我都想走，但唔緊要啦，老闆都未走，我點可以走呢?
我打開枱頭嘅文件，繼續做嘢，做埋聽日要做嘅嘢


過咗一陣，周樂恆打開門
「你仲未走嘅?」佢一臉疑惑咁望住我，「成8點幾啦!」
原來唔係一陣㗎啦...
「你都未走。」我抬頭望佢，「老闆都未走，秘書點可以走。」
「我走得啦，車埋你番去啦!」佢笑咗一笑
「好呀，唔該~」我將個人物品收落袋入面
我拎埋D嘢，然後拍埋張櫈
跟喺佢後面行
坐到上車，我就開始覺得眼瞓
「你下次做晒嘢就可以走㗎啦，我嘅意思係到咗放工時間嗰陣。」佢話


「唔緊要，一個盡責嘅秘書點可以喺上司走之前自己走咗去?」我微微一笑
我打開車窗，有D風吹下，個人都會清醒D
「你同佢一齊咗冇耐?」周樂恆口中嘅佢，係指葉子朗
「係呀，呢排先一齊。」我點點頭
「佢對你唔好要話我知，幫你好好教訓佢!」周樂恆笑住咁講
「好~好呀~」我忍唔住笑咗出嚟
我無意之中發現佢個倒後鏡嗰度掛住咗幾舊嘢，但最令我注意到嘅，係嗰個吊飾
「個吊飾...你仲有keep住呀?」我伸手，指尖輕輕碰到嗰個吊飾
「一直都冇掉到。」佢望一望我，笑咗一笑，聳聳肩
嗰個只有半邊嘅吊飾，其實...仲有另一邊...


而另一邊...喺我手上...
「阿恆!過嚟睇下!」我向企喺隔離模型鋪櫥窗嘅周樂恆招手,「好靚呀!」
「咩呀...」佢插住褲袋行到我隔離
「你睇下!呢個呀呢個呀!」我即刻挽住佢嘅手臂,「靚唔靚呀?」
「你中意咩?」佢望一望我
「好靚呀!我想同你一人一個呀!」我靠喺佢博頭上面
「簡單嚟講，你就係想買...」佢一臉無言
「嘻嘻...其實買唔買都唔緊要~」我笑住咁講
「買啦!你中意就買啦~」佢掐咗我塊面一下
「好嘢!」我即刻鬆開咗佢隻手，跑入間鋪頭度
「喂!方芷諾!」
喺我就嚟行到入去嘅時候，佢叫住咗我
「做咩呀?」我回頭望佢
「係咪心心嗰個呀?」佢問，我點頭，「你唔係諗住你比錢呀?」
佢講完就行咗入鋪頭入面，買咗嗰個吊飾


「多謝!」我望住佢笑起嚟
「多咩謝呀?錫女朋友唔係啱㗎咩?」佢伸手摸摸我頭
「喂呀!亂晒啦!」我推開佢隻手
「我偏要!」佢又放番隻手上嚟亂掃
「喂呀!」我推開佢隻手然後向前跑
「喂!方芷諾!」佢追喺我後面
佢好快就追咗上嚟，一下就攬住咗我
「仲捉你唔到!?」「喂呀!」
我嘅嘴角就忍唔住微微上揚
「笑咩呀?」周樂恆望住我
「冇嘢~」我搖搖頭
「明明就有~諗咩啫~」佢笑住咁問我
「冇嘢呀!」我笑住咁用力搖頭
當人愈長大後，就會愈懷念以前
當然我呢種懷念，唔係我仲對阿恆有D咩，純粹朋友啫


回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link