[愛情甜故] 因為一次睇到佢打飛機,所以我地變咗做炮友: 82.S225.舊記憶(下)

「人愈大，愈容易懷念以前，你見到呢個吊飾，諗起以前啦?」周樂恆問我
「到咗宜家...都仲可以讀到我心嘅?冇生疏喎~2 」我開玩笑道
「你估我第一日識你?識你第幾年呀?」佢一臉無奈，佢望一望我
「都...好多年啦...」我諗咗一下，然後笑咗出嚟
「多謝晒...」佢無奈咁反咗下白眼，「你講咗同冇講係冇分別...」
我冇出聲，只係笑咗一笑
「好啦，到啦!你唔洗落車啦，我自己番去。」我一邊推開車門一邊講
「好啦。」周樂恆嘅雙手仍然放喺軚盤上面，「咁你小心啦!聽日見啦~」我閂番車門，企喺車外同佢揮揮手講Bye Bye
我望住佢開架車走，我先轉身行番我屋企
我企喺屋企門前，伸手入袋度搵緊鎖匙


「咔嚓...」
我打開屋企門，漆黑一片...只有玄關位着咗微弱嘅燈
我閂埋門，喺門後貼咗一張Memo
「留咗湯比你」
我輕輕咁將高踭鞋除落嚟，放到鞋架上面
我行到廚房，將媽媽留比我嘅湯從壺中倒出嚟，坐喺餐枱前飲湯
成間屋黑到呢...不過其實我慣咗㗎啦...
喺屋企，我都懷疑自己到底有咩用...
由細個開始，我就發現其實爸爸媽媽都好睇重我嘅成績
上到高中，我就知道只要我有成績，佢地就唔會講咩


只要我每個學期都可以拎到獎學金，就算我平時點去挽都好，佢地都唔會介意
重點...都係成績啫...
香港地，始終都係個以成績行先嘅地方
就算喺屋企都係一樣，一般家庭食飯嗰陣都唔係閒話家常，我屋企呢?
食飯嗰陣係同我講學業，其實唔洗佢地講...
重點都係成績好，每個學期都有獎學金
番到屋企，為咗避開一切壓力，我多數都留喺房
而為咗唔洗成日都要聽佢地講，我每日放學都會留喺學校做晒功課，溫咗書先番去
宜家我有份好工，搵到錢，當然好啦
雖然總係覺得爸爸媽媽忽略咗我，但養育之恩一定要報


只要佢地可以生活得好，食得好，住得好就夠
我望住眼前呢碗湯，雙眼突然矇矓了，我用手抹眼淚
我由以前開始就話比自己聽，唔緊要㗎，佢地已經好多嘢要煩，所以唔好再添煩比佢地，我解決到嘅事就盡量解決
我一定要搵多D錢，買間大D，舒服D嘅屋比佢地住
佢地過得好，咁我就心滿意足啦~
突然聽到開門聲，我抬頭望向聲音來源
「媽?」
「你番嚟啦?」佢行到嚟餐枱前面
「係呀，放工啦嘛!」我笑咗一笑
「新工辛唔辛苦呀?」佢坐喺我對面
「ok啦~都唔係話好辛苦~今個月尾我可以開始比家用啦~分擔一下~」我瞄咗月曆一眼
「你夠唔夠錢用㗎?」佢一臉擔心咁望住我
「你個女我就好慳家嘅~就唔會唔夠錢洗嘅~」我微微一笑
其實呢間公司都唔錯，我向阿豆打聽過，原來呢間公司除咗係上市公司之外，仲係國際線嚟
所以其實公司賺好多，每個月至少都賺到20萬


嘩!!!痴線㗎!!!
咁一年咪有...240萬!!!
所以家用嗰邊就不成問題啦~
想佢地生活過得好D，辛苦D都值得嘅
「好啦，都知你係工作狂㗎啦!唔好逼到自己咁辛苦呀。」佢話，我比咗個ok手勢佢
佢行番入房，我飲完湯，洗埋D嘢，就去沖涼
沖完涼就坐喺廳度㩒電話
......
呀...好刺眼...
我皺住眉頭,強逼自己睜開眼
陽光穿過薄薄嘅紗簾照入屋度
我身上蓋住咗張薄毯
放喺我隔離嘅電話響起嚟
「喂...」「起身啦!」
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link