[愛情甜故] 因為一次睇到佢打飛機,所以我地變咗做炮友: 80.S223.Stephen Li(下)

我一時唔識比反應,只能微笑一下
等架走咗,我就行番入去
「笑容不錯喔~」阿Wing行咗嚟我隔離,然後撞一撞我博頭
「咩呀...」我笑咗一笑
「Stephen Li係鑽石王老五嚟㗎!」佢好細聲咁講
「所以呢...我對年紀大我好多嘅冇興趣...」我搖搖頭
「咩呀!佢同我地總裁年紀差唔多㗎咋!」阿Wing喺我耳邊講
「吓!?」我唔小心大聲咗,我即刻收細聲量,「真係㗎?不過望落又真係幾後生嘅...」
「呢個Stephen Li好少讚人㗎!哎呀呀~你弊啦~」阿Wing喺度奸笑
「痴線...番埋位做嘢啦!」我推一推佢


一做嘢我就變咗工作狂,做做下嘢,就見到佢地幾個行過嚟
「你地搵總裁呀?」我抬頭望佢地,「我幫你地叫佢。」
「夠鐘食飯啦!Venus!」阿Wind篤篤佢隻錶
「係喎!」我望一望錶,原來都放飯啦
「你做嘢做到連時間都唔知。」阿Wing笑咗一笑
呢個時候周樂恆就行咗出嚟
「你去食飯啦!你D嘢都做得七七八八啦!」佢話
「咁好啦。」我執埋D嘢就同咗佢地幾個去食飯
我地行入嗰間餐廳,揀咗張卡位嚟坐
我地好快就點咗餐


「我想問呢...到底Stephen Li係咩來頭?」我拎住手上嘅攪攪棒嚟duk檸檬茶入面D檸檬片
「你竟然唔知呀?」阿豆一臉驚訝,我搖搖頭
「Stephen Li,李永豪,佢係香港金融業嘅其中一個金融才俊嚟,佢係一間上司公司主席李天龍個細仔,佢呀哥就做醫生嘅,所以佢就要幫佢老豆手,將來承繼間公司。年紀同我地嘅Boss差唔多啦~都係20幾啦,佢老豆好重用佢,公司班老前輩都睇好佢㗎!」阿Wing簡單咁分析緊比我聽
「不過佢性格就唔多好啦~」阿Wind突然加把口喺度講,「好易發脾氣,但都好多女痴過去。」
「哦~」我點點頭,飲咗一啖檸檬茶
「你咁嘅表情嘅...對佢冇興趣?」阿豆問
「冇。」我搖搖頭,「Not my cup of tea.」
「佢唔係你杯茶,唔代表你唔係佢杯茶啵~」阿Wind望住我,露出淡淡嘅笑容
「即係點呀?」阿豆問佢
「你真係好蠢...」阿Wind反咗下白眼,「即係Venus唔中意佢，唔代表佢唔中意Venus呀!明唔明呀!蠢!」


「我問一句啫...唔洗答我咁多嘢...」阿豆嘟嘟嘴
突然間,阿Wing望住我身後笑咗一笑
「你望咩...」我怯咗一下,然後望去後面
原來係Stephen Li
我冇理,然後擰番過嚟繼續食飯
其他人對我點我唔理啦,有葉子朗就好了~
呢頭講完,葉子朗就打過嚟
「喂?做咩?」
「冇呀,睇下你食lunch未啫~」
「真係?」
「其實係掛住你。」
「得啦得啦...我宜家食緊lunch,陣間就番去。」
「好啦~咁唔阻你啦~」
收咗線之後,佢地三個望住我
「邊個嚟?」阿Wing問我


「男朋友。」我話
「Wow~」佢地即刻比反應我
我笑咗一笑,冇出聲
「有冇相睇?」阿豆即刻問我
「拎嚟睇下啦!」阿Wind話
「係囉!睇下啦!」阿Wing捉住我隻手
「得啦...」我無奈咁開咗張相比佢地睇
「幾靚仔喎~」阿Wind話
「嗯!不錯不錯~」阿豆同意道
只有阿Wing皺一皺眉
「Wing?做咩呀?」我望住佢問
「冇...冇嘢...」佢搖搖頭,然後笑咗一笑
總有種感覺...但又講唔出邊度奇怪...
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link