[愛情甜故] 因為一次睇到佢打飛機,所以我地變咗做炮友: 66.S209.重遇(上)

第二日我一大清早就起咗身
我上身着咗件白色嘅襯衫,加一件黑色西裝外套
下身着咗條黑色半截西裙,加一對黑色高跟鞋
我諗我除咗件襯衫係白色之外,其他都係黑色
「11點半...出門口...」我望一望手錶,然後拎起手袋,將份CV放入手袋入面就出門口
我搭巴士落到中環,呢度係香港嘅商業中心區
我行入一幢至少有80層嘅商業大廈入面
大公司果然係大公司,連個Lobby都唔同D
我搭升降機上到34樓,升降機門一打開,就係呢間公司嘅接待處
「你好,我...」「方小姐你好呀!」


我想問嘅嘢都未講出口,嗰個喺接待處嘅女仔已經企喺起身同我打招呼
「你好,我係嚟...」「我明白㗎啦,我宜家帶你去我地總裁嘅辦公室。」
我...未講我嚟做咩...
我地行入辦公室入面,大家都好忙碌咁做緊嘢
我地穿過咗辦公室,轉彎入咗一條走廊入面,去到走廊盡頭,有一間房喺嗰度
我地喺房門前停咗落嚟
「叩叩...周先生,方小姐嚟咗。」嗰個女仔講
「請佢入嚟。」入面有一把聲傳出嚟
嗰個女仔打開大木門,然後我行咗入去,嗰個女仔向我微微一笑,然後閂咗門
一入到去,一個落地嘅大玻璃窗,望住出面維港嘅大海景


我冇望到總裁嘅樣,因為佢將張櫈轉咗面向大海景,佢用椅背對住我
「你好呀...我琴日收到你地嘅email,所以今日嚟見工。」我話
「我今日帶咗我份CV嚟...」「方芷諾,23歲,讀XX中學,DSE以35分全部5**畢業,以喺英國劍橋大學讀心理學系,一級榮譽畢業...」
佢將張櫈慢慢轉過嚟
「啱嗎?Venus。」佢向我微微一笑
「周...周樂恆!?」我一臉愕然咁望住佢,「點...點解...」
「我地又見面啦~」佢企起身,繞過辦公桌走到我面前
眼前呢個着住整齊嘅西裝,一間大公司嘅總裁...竟然係我嘅中學同學周樂恆?
「我以前都講過㗎,我爸爸係生意人嚟㗎嘛~」佢笑咗一笑
「但我估唔到係...呢種生意人...」我仍然未平息到心入面嘅愕然


「唔緊要啦~宜家CV可以收番埋啦。」佢拉開張櫈比我坐
「唔該。」我坐低係佢對面
「我想搵個秘書,咁啱你又未搵到工,所以就send咗封email比你。」佢坐番去佢個位度
「你又知...」我笑咗一笑,「但我唔識做秘書㗎喎...」
「做做下就熟㗎啦~好易上手㗎咋!」周樂恆笑咗一笑
佢同以前真係好唔同...成個人都成熟咗好多...

回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link