[愛情甜故] 因為一次睇到佢打飛機,所以我地變咗做炮友: 67.S210.重遇(中)

「做咩眼定定咁望住我呀?我太charm?定因為我突然變得好成熟穩重咁,令你愕然啦?」周樂恆笑咗一笑
「到宜家你都係一樣,讀透我嘅心啦...」我沒好氣咁笑咗一笑
「呵呵~不過我期望作為我秘書嘅你都可以讀到我嘅心。」佢講
「係嘅。」我點點頭
「聽日可以番工㗎啦...定係你想今日就番咗先呀?」佢插住褲袋企起身
「今日啦!」我毫不猶豫咁講
「其實我問嚟都多餘,差D唔記得咗我地嘅方芷諾係工作狂嚟㗎添~」周樂恆好似暗串我咁,佢望一望錶,「宜家10點半,我地2點放飯,仲有...3個半鐘可以比你熟習下先。」
「好。」我深呼吸
「唔洗緊張喎~等我親自帶你出去介紹一下。」周樂恆拉起我,拉我出房
佢帶我走到Office嘅中心


「麻煩各位停一停手頭上嘅工作先。」佢叫道
所有人都停低晒,專心咁望住佢
「呢位係方芷諾,Venus,係我新請番嚟嘅秘書,今日係佢第一日番工,各位好好包容啦~」佢講
「大家好,我今日第一日番工請多多指教!各位叫我Venus就得㗎啦。」我微微向前鞠躬
「Venus,呢位係Qunnie,佢係人事部嘅主管,你要做D咩,佢會話你知㗎啦。」周樂恆指一指喺右手邊嘅一個女生
佢行到嚟我面前,點點頭
「好,咁大家番去自己嘅崗位做嘢啦!」周樂恆講完就轉身番咗辦公室
「Venus,你今日初嚟報到,我會幫你手熟習一下你要做嘅嘢㗎啦,我大概咁講下,當然啦,你實踐過,就會熟手。」Qunnie臉上露出笑容
望落就知佢應該做咗好耐,不過都幾斯文有禮
戴住一副眼鏡,好成熟嘅感覺


「咁麻煩晒你啦!」我微微點頭
佢帶我行晒公司全部角落,原來34到36樓都係呢間公司㗎
果然係大企業!
行咗兩個鐘,終於行晒啦...
「好啦,今日就到呢度,以後工作上有咩唔明嘅都可以問我。」佢笑一笑,然後走咗
「睇嚟你嘅導賞時間完啦~咁真正嘅工作介紹到啦!」周樂恆唔知幾時企咗喺我後面
「嗯。」我點點頭
「有樣嘢好重要...」佢認真咁望住我,我側側頭,「呢度,係你個位,當然後面係我辦公室...」
「明白。不過...我應該點叫你...叫周先生?」我疑惑咁望住佢
「唔要,周先生...聽落好唔舒服囉!叫英文名啦!」佢諗咗一陣


「係嘅。」我點頭
佢好簡單咁講完我嘅工作,我大概上都明白嘅
「好啦,你休息一陣啦。」佢同我講
我行咗去茶水間,斟咗杯水坐低休息一下
呢個時候有幾個同事行咗入嚟
「Venus喔可?Hi~」企係最前嗰個女仔同我打招呼
「Hi...」我露出微笑
「我叫阿豆呀~」
隨住佢呢句話,大家都坐低咗
「你好呀~我係呀Wind。」一個梳蛋撻頭嘅男仔講
「Hi~~呀Wing~」梳住馬尾嘅女仔講
「聽講呢~你同總裁係中學同學嚟~」呀Wind即刻問
「係呀...」我唔知比咩反應,只好笑一笑
收風收得咁快嘅...?職場無秘密?
「總裁親自請你番嚟,咁你一定好勁啦!你邊間大學畢業㗎?」阿豆問


「Cambridge。」「好勁呀!」
呀Wing即刻一臉仰慕咁望住我
「我地今日一齊食lunch呀!」「咳咳!你地咁多嘢問嘅?唔洗做呀?」

回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link