[愛情甜故] 因為一次睇到佢打飛機,所以我地變咗做炮友: 65.S208.神秘邀請

我望一望葉子朗
「唔啦...」我搖搖頭,「個音樂盒好貴,成300蚊...我唔捨得買。」
我望咗一陣,然後就離開咗呢間店舖
行到番屋企樓下,我同葉子朗揮揮手
「我到啦,bye~」我微微一笑
「喂!方芷諾!」葉子朗大聲叫我
「做咩呀?」我回頭望佢
佢行到我面前,張開雙手,攬住我
「唔知幾時先可以再見到你...」葉子朗用雙臂緊緊摟住我,「你知㗎啦...我宜家又冇一個身份可以名正言順嚟見你...」
「講到底,你都係想講嗰樣嘢啫~」我笑咗一笑,「我都話我考慮下啦...」


「嗯...」佢點點頭
「好啦...放手啦...我要番去啦...」我輕拍佢嘅手臂,示意要佢放手
佢放開雙手,我轉身行入大堂,臨行入去之前嗰一刻,我回頭望佢
望到佢一副依依不捨嘅樣...嘻...真係可愛呢~
我番到屋企,屋企竟然冇人
係喎...今日星期二,爸爸媽媽都要番工
其實我自己都諗緊番到嚟搵咩工做好
我喺Cambridge,即係英國劍橋嗰度讀心理學
但我番到嚟香港,唔...好似冇咩用咁...
冇嘅...咁冇人話讀心理學就一定要從事同心理學有關嘅嘢㗎嘛


上網睇下有咩公司請人先~
我打開我部laptop,上網搵工
突然好上進咁樣...
呀~真係好懷念以前讀書嘅日子呀~
以前嘅日子真係好呀~日日番學等放學(乖寶寶不要學喔~)
每日同班frd一齊,上堂開心笑開心挽,每一日都好開心
即使DSE就到都好,大家都冇咩話有好大壓力,Work hard, Play hard嘛
但你睇宜家我似咩?仲要喺屋企勁頹廢咁拎住laptop搵工...
咦...突然有人send咗個email比我
邊個嚟?


我㩒開嗰去email...係一間大公司嘅職員招聘...
「係咪我眼花呀...!」我坐咗起身,伸手揉揉眼,「誠意邀請你擔任...總...總裁秘書!?」
我去做總裁嘅秘書!?
吓!?吓!!?吓!!!?
「聽日10點見工?」我疑惑咁諗咗一陣,「係真唔係呀?」
我猶疑咗半個鐘之後...
「好啦!都係去啦!」
我決定咗啦!博下啦!

回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link