[愛情甜故] 因為一次睇到佢打飛機,所以我地變咗做炮友: 64.S207.狂歡過後嘅一日

「食早餐啦!」葉子朗捧住早餐出嚟
佢拉開張櫈比我坐
「Thanks~」我坐低喺櫈上
「去完英國果然唔同D~」葉子朗坐到我對面
「咩呀...」我無奈咁白佢一眼
「冇咩~」佢笑咗一笑,「係呢,你番嚟香港,應該好快搵到工啦係咪呀?」
「都未必嘅...」我拎起叉,吉起煙肉,「都未諗到搵咩工好...」
「其實都未諗好...做住D小文員先囉~」葉子朗笑咗一笑
「唔...唔知呀~都未諗到。」我聳聳肩,「不過其實做咩都冇所謂。」
「係咩...」葉子朗托住頭


「飽啦...」我放低手上嘅叉,然後企起身,「我番屋企啦!」
「咁...咁早!?」葉子朗即刻企咗起身
「吓...唔係宜家番去咁幾時番去...」我無奈咁望住佢
「晏D先走得唔得...我地咁耐冇見...」葉子朗話
「幾耐冇見呀?我一番到嚟香港,第一個見我嘅人唔係你咩?」我無奈咁笑咗一笑
「係就係...不過...」佢行到我面前,捉住我雙手嘅手腕,「我仲想見你耐D...」
「噗...」我笑咗出嚟,「琴晚仲見唔夠咩?」
「唔夠囉...」佢用力搖頭
佢對我撒嬌嗎?係幾可愛嘅...
不過唔可以咁易就比佢動搖到


我要再觀察一下,再睇下佢嘅表現先得
「你撒嬌都冇用呀!我要番屋企啦!」我輕力推開咗佢
「呿...」佢嘟一嘟嘴
我穿番鞋,拎埋個袋就走
「你做咩跟埋出嚟?」我見到佢跟埋我出嚟
「我送你番去。」佢閂咗度門同鐵閘
「唔洗啦,朝早唔怕啦~」
「唔得呀,我送你番去啦~」佢笑咗一笑
「嗯...咁好啦...」我點點頭
我地行過一間類似精品店嘅鋪頭


「呢間仲喺度呀!」我行咗入去鋪頭入面
中學嘅時候,放咗學唔想番屋企我就會嚟呢度行,唔知點解,每次嚟親都唔捨得走
呢間鋪頭D嘢都唔係話好貴,呢間就好似log-on嗰類咁啦
「原來呢個仲喺度呀!」我望住嗰個音樂盒
喺呢間鋪頭呢中央位置,有一個用大型膠版擋住嘅位置,入面放咗好多唔同嘅音樂盒
放喺中間嗰層,有一個城堡,城堡前面企咗公主王子嘅音樂盒就係我最中意嘅嗰個
「咁耐都仲喺度...」我雙眼發光咁望住個音樂盒
「中意呀?買囉。」

回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link