[愛情甜故] 因為一次睇到佢打飛機,所以我地變咗做炮友: 50.委屈(上)

今日番到學校,我同葉子朗都好似平時咁冇咩嘢
最多都係上堂嗰陣講兩句
我見小息都差唔多完,於是就行咗去開locker
咦...?
一打開locker,我就見到有封信放咗喺入面
我望一望葉子朗,我望佢嘅同時,佢又微微抬頭望我
但好快佢又耷低頭繼續做自己嘢
封個好巢,好似比人渣埋咗一舊再灘番開咁
我將封信zip喺入裙袋就算,宜家咁多人,費是宜家睇啦
但封信明明係洛天恩拎咗,點解又會...


呢個時候有個男同學行咗嚟葉子朗隔離
「你條女搵你。」
「唉...又點呀...」葉子朗一臉不情願咁企起身,插住褲袋行咗出去
佢地兩個就咁企喺走廊唔知講乜
算啦...關我咩事~
我放咗D嘢番埋位就去咗廁所
但當我從廁所出嚟嘅時候,突然聽到...
「你夠啦下!」葉子朗突然吆喝道
葉子朗捉住咗洛天恩懸喺半空嘅手
「你唔好愈嚟愈過份!」葉子朗一手甩開洛天恩隻手


本身超嘈嘅走廊都靜晒,所有人都望住佢地
「我過份?係你下下都護住佢咋!」洛天恩一臉委屈咁講
我想快D番到課室,但我行到離課室門口仲有大約10步嘅地方嗰陣
洛天恩突然走向我
「方芷諾!賤格!」佢一巴摑喺我嘅臉上
我用手掩住被打嘅臉頰,呆咗咁企喺度...
到底發生緊咩事我都唔知呀!連關我咩事都唔知!
所有人見到呢一幕都O晒嘴咁呆咗
我嘅眼淚好自然咁流落嚟...
「洛天恩你痴咩線呀!」葉子朗一手拉開咗佢,然後擋咗喺我同佢之間


葉子朗望向佢嘅時候,連雙眼都好似要噴火咁...
「你神經病㗎?」葉子朗嘅聲線充滿咗憤怒
「方芷諾你做咩要掂子朗呀!」洛天恩大聲咁問我
「唔關佢事㗎!佢咩都唔知㗎!」葉子朗喺我想開口之前已經幫我擋咗一刀
「我問方芷諾呀!佢又唔係啞嘅,洗咩你代佢答呀!」洛天恩推開咗葉子朗行到我面前,「我問緊你呀!」
「你發完癲未呀!」葉子朗捉住佢手腕,「我都話方芷諾咩都唔知㗎落!」
「做咩呀方芷諾?唔出聲扮委屈呀?」洛天恩講每句說話都有意無意...唔係,係明顯要中傷我
「宜家邊個委屈D呀?人地咩都唔知比你打咗一巴呀!你仲要鬧人地?」葉子朗擋喺我身前
「我講事實咋!宜家係佢要搶我男朋友呀!」洛天恩喊住咁講
「你自己成日喺度發癲!今次仲要打人!我忍夠你啦!」
我從來都冇見過葉子朗會咁嬲...
「你咁怕佢搶嘛!宜家我同你分手,咁唔驚啦?」