[愛情甜故] 因為一次睇到佢打飛機,所以我地變咗做炮友: 49.逐漸散去的誤解(下)

「吓...」我愕然咁望住佢,「咁點解...」
「我並唔係中意洛天恩㗎!一直以嚟,我中意嘅人...都係你!」佢垂低手
「咩意思…?」我更加震驚,我唔敢相信自己啱啱聽到嘅嘢
「你應該知㗎…喺嗰封信入面,我有寫㗎...」佢講完呢句,我皺一皺眉
「等等!你講緊咩信呀?」我一臉疑惑
呢個時候佢都皺起眉頭
「我話上年我寫比你嗰封呀!」「我從來都冇收過任何信...」
「冇可能!我放咗喺你locker!」葉子朗皺起眉頭
「我真係!真係!冇見過!」我用力咁搖頭,「封信點樣㗎?」
「粉藍色嘅信封。」


「嗰封信...」我腦海入面突然閃過一個畫面,「係唔係上面貼咗個貼紙嗰封?」
「係呀!」佢點頭
「咩呀...封信...唔係比洛天恩㗎咩?我親眼見佢拎走咗...」我回想起當日
嗰日我見洛天恩喺我班房走出嚟,佢出嚟嗰陣拎住咗個粉藍色嘅信封,佢見到我嗰陣即刻收咗落裙袋
「洛天恩...」
佢一臉難以置信咁從口中吐出呢三個字
「哐噹」一聲,佢手上嘅刀掉咗落地下,佢坐咗落梳化
「葉子朗...」我行到佢身旁坐低,將佢拉到我懷裏
「對唔住...」佢攬實我,愧疚咁講
「唔緊要...你都唔知道...」我輕拍佢嘅背


「對唔住呀!我唔會逼你...」
「嗯...」我點點頭
但嗰封信...到底寫咗D乜?點解佢明明唔中意洛天恩,但又同咗洛天恩一齊?點解洛天恩要喺我locker入面拎走封信?
唉...我唔知道呀!
葉子朗中意我...周樂恆又中意我...
一個以前嘅男朋友,一個曾經暗戀過嘅人,值得咩?
為咗一個咁嘅女仔,真係值得咩?
我配擁有愛情咩?
我同葉子朗之間,唔係只係得炮友嘅關係咋咩?又點會有其他感情...
定係一開始佢就係因為中意我,先要同我發展一段不可告人嘅關係?


點解當真相慢慢出現嘅時候,會出現咁多小問題㗎!?
我對於自己嘅心...仍然未了解...