[愛情甜故] 因為一次睇到佢打飛機,所以我地變咗做炮友: 51.委屈(下)

葉子朗講呢句說話嘅時候,聲線係幾咁冷漠呀...
「子朗...你點可以...你點可以當住咁多人面前話同我分手㗎!」洛天恩捉住葉子朗隻手
葉子朗一手甩開佢嘅雙手
「分!手!」葉子朗講完就行開咗
其他人亦散去啦...繼續做自己嘅嘢
唯獨葉子朗同企喺我後面嘅周樂恆...
「芷諾...」葉子朗想行近我,但周樂恆一手推開咗佢
「你仲想點呀?」周樂恆瞪住佢
「芷諾對唔住...我...」佢想繼續講,但我中止咗,我搖搖頭,示意佢唔洗再講
我轉身行去洗手間洗個面,之後就番咗課室繼續上堂


成堂葉子朗都坐立不安咁,想同我講嘢,但又欲言又止,只係偶爾望一望我,然後又低頭做嘢
呢個狀態一直維持到放學
「對唔住,我今日冇阻止佢。」葉子朗等到課室冇晒人嘅時候同我講
「唔緊要啦...」我苦笑,然後搖搖頭
我行咗出課室,我去咗洗手間洗洗面,然後想拎tissue嘅時候,摸摸裙袋先發現我冇帶,但卻記起封信嘅存在
我洗完面就番咗課室,但番到去已經發現葉子朗走咗
我坐喺自己位度打開咗封信嚟睇:
芷諾:
或者你宜家仲嬲緊我,覺得我傷咗你嘅心,呢個係事實。
我番到去反思過啦,知道我唔應該咁對你,過咗一個月,我終於鼓起勇氣寫呢封信比你


我知道你唔會想同我講嘢,所以我冇當面搵你講嘅意思,亦冇咁嘅勇氣
過去呢一個月,每日番學放學都見到你,但你扮若無其事咁行過我身邊,同其他人有講有笑,一開始我都唔覺得有咩感覺,但後嚟...我發現你對我無視嘅程度愈嚟愈高,你會望我嘅時候,大概只有傳功課嗰陣...
我發現我真係好在意你對我嘅態度,你愈冷淡,我心入面就有種難受嘅感覺...人真係犯賤,唔失去一次都唔會學識珍惜...所以我真係想同你講,真心咁講句,我中意咗你...
我知道你未必會同我一齊,但可唔可以原諒我?到你可以接受我嘅時候先答應我一齊嘅請求...
如果你原諒我,聽日貼張memo喺我locker入面,否則就當冇見過呢封信啦...
葉子朗Vincent
原來葉子朗冇講大話...佢真係一早就中意我...
「芷諾...」
與此同時,我聽到有人喺我後方叫我