[愛情甜故] 因為一次睇到佢打飛機,所以我地變咗做炮友: 48.逐漸散去的誤解(上)

葉子朗突然嘅發問,令四周都變得尷尬起嚟
佢嘅雙手停喺我嘅腰間同大脾上面
「果然...」佢露出失望嘅眼神,「你都係唔想同我一齊...」
我沉默不作聲,佢低下頭,靠喺我嘅博頭上
「到底點解...係因為我唔夠好?因為周樂恆嘅存在?定係因為...開口嘅係我葉子朗呀...」
失望嘅聲線同神情,令我心入面有D不知所措
一次失敗,被背叛嘅戀愛,令我冇辦法再相信戀愛呢樣嘢
我好驚...好驚自己會行差踏錯,然後傷害到身邊嘅人,傷害到自己心中嘅脆弱...
「答我呀方芷諾!」佢大聲咁叫我答佢
佢抬頭望住我嘅嗰一刻,我見到有淚痕喺佢臉上劃過嘅痕跡


「到底點解呀!」佢用力捉實我嘅雙肩
「我...」我講唔出理由
「點解呀!點解當時係咁宜家又係咁呀!」佢講呢句說話嘅時候,我諗咗一秒
當時...?
「算啦!你走呀!走呀!」佢將我從枱上拉咗落嚟,打開大門同鐵閘,然後用力咁推咗我出去
「走呀!反正我對你嚟講都冇意思!」葉子朗用力將我個書包扔向我
我一手攬住咗個書包
「走呀!」佢突然行入廚房拎咗把刀
「葉子朗!」我衝咗入屋,乜都唔理啦
我閂咗度門同鐵閘,擋喺門前


「你走啦好唔好呀?」刀尖對住我,其實我好驚,但我唔想佢傷到自己
「你放低把刀先啦…」我慢慢咁接近佢,佢後退到梳化隔離,「你唔好傷害到自己。」
「有所謂咩?」佢搖搖頭,「冇所謂㗎...對你嚟講咪仲好...」
「葉子朗,我唔值得要你為我咁做㗎!」我逐步行近佢
「你一直都唔明白我呀!唔明白我有幾中意你!我根本就唔中意洛天恩!」
隨住葉子朗嘅呢一句說話,真相亦逐漸浮現出嚟