[愛情甜故] 因為一次睇到佢打飛機,所以我地變咗做炮友: 47.關心?別有用心?(下)

「你做咩又突然講番以前啫!」周樂恆不滿咁講
「我有講錯咩?你嗰陣背住我同第二個女仔一齊,咁係咪你問題呀?咁樣叫對我好咩?」我一下子講咗出嚟
「你點解會...」佢一臉錯愕咁講住我
「你想問我點解會知嘛!因為我親眼見到囉!我親眼望到你同佢kiss!」
嗰晚嘅事,記憶猶新...
「你話葉子朗唔好,咁你呢?你同佢一樣唔要我呀!你宜家對我咁好,唔通唔係想彌補番比我咩?」我反問番周樂恆
佢唔敢出聲,亦冇講嘢,冇直視我
我從佢身旁行咗去,行番屋企,佢亦冇追上嚟
我行到一條小巷隔離嘅時候...
突然比人一手拉咗我入去


「喂!」
佢拉咗我入去,我一望先發現原來係葉子朗
「你做乜呀!」我甩開佢隻手
「你竟然幫我講好說話...」
「我唔係幫你,只係講事實啫。」
企喺微弱嘅燈光下,一切都會變到好迷幻
「我番去啦...」我想走出小巷
走到小巷嘅出口時,葉子朗拉住我,拉番我入小巷入面嘅一個轉角位
「唔...!」
佢逼我埋牆角,冇任何預料之下就吻向我


雙手突然變得不受控制,自然咁就攬住佢
一陣嘅熱吻後,佢伸手入我裙入面
「唔好...」我㩒住咗佢隻手
「有咩所謂...」佢問我
「要做...都唔好喺呢度做...」我細聲咁講
「我明啦...」佢拉我行出小巷,帶咗我番佢屋企
又番番嚟呢個地方...
一入到屋,一閂埋門,就已經開始繼續啱啱未做完嘅事
佢抱起我,放咗我喺枱上面
「等等...」我輕輕推開咗佢


「你宜家先想叫停我呀?」佢低頭吻喺我鎖骨上,「話說你咁樣...係咪即係你肯同我一齊...」