[愛情甜故] 因為一次睇到佢打飛機,所以我地變咗做炮友: 44.戀人關係確定?(上)

第二日番學嗰陣,朝早都冇乜特別
但放學嗰陣...
我因為漏咗嘢喺課室,所以番去拎,雖然已經成6點幾,但我都係要拎,因為係聽日嘅功課嚟
點知就見到呢一幕...
「葉子朗!」洛天恩企喺課室嘅門口到大嗌,「你同我番嚟呀!」
葉子朗勁嬲喺我隔離行過
「葉子朗...」洛天恩崩潰咁跌坐喺地上面痛哭
我冇講D乜嘢,只係行過咗洛天恩隔離,就入咗課室拎嘢
我行到去課室門口嗰陣,洛天恩擋咗喺我面前
我行去左邊,佢又行過去左邊


我行去右邊,佢又行番去右邊
「你想點呀?」我問佢
「我話你知呀方芷諾,你唔好諗住耍手段搶走葉子朗呀!」洛天恩抹咗眼淚,狠狠咁啤住我
「係你嘅始終係你嘅,要走始終會走,你咁得閒喺度同我講埋晒D無謂嘢,不如去追番你條仔先啦!」我講完之後就一手推開咗洛天恩,然後經過佢身邊
我行出校門,行番屋企
手上拎住一疊書真係好唔方便
行到去一個休憩公園嗰陣,我見到喺葉子朗坐咗喺燈柱隔離嘅長椅上面
我行咗過去,佢一直耷低頭,應該見唔到我
「葉子朗?」我輕輕咁叫咗佢一下
「芷諾...」佢明明耷低頭,但都知道係我


可能聽得出,認到我把聲掛
「做咩咁晏都唔番屋企,坐喺公園度沉思呀?」我微微一笑
「如果你最重要嘅嘢比人拎咗,令成件事嘅結果都唔同晒...咁你會點...會唔會好嬲...」葉子朗問
「唔...咁我當然會嬲啦!但我諗嬲一陣就夠啦!」我諗咗一陣,然後微笑住咁答佢
「嗯...你真係好善良好大方...」葉子朗突然咁樣講
「你讚緊我呀…」我疑惑咁側側頭
「咁呢個係事實嚟...」葉子朗抬頭望我,然後露出淺淺嘅笑容
「如果你唔介意嘅,我可以做你嘅樹窿聽你呻㗎!」我坐喺佢隔離,然後喺嘴前面做咗個拉埋拉鏈嘅動作
「你同佢真係好大分別...佢從來都唔會聽我講嘢,只有佢講冇人講...」
葉子朗口中嘅佢...係洛天恩


「我唔應該同佢一齊...你比佢好太多...」葉子朗伸手捉住我隻手,「嗰陣唔應該拒絕你...」
我苦笑啦...
佢側身對住我坐,左手捉住我嘅右手,右手伸到我嘅臉頰上面,佢隻手好暖,真係好暖...