[愛情甜故] 因為一次睇到佢打飛機,所以我地變咗做炮友: 43.也許

可能我對葉子朗動過真心,但一切早就幻滅
宜家嘅佢對我嘅依賴,大概係因為想搵個可以了解佢,諒解佢嘅人
由佢拒絕我嗰一刻開始,我就知道我同佢永遠都冇可能
佢唔會愛上我,我...亦唔會愛上佢...
「心動」
曾經珍而重之嘅嗰份感覺早就消失了...
大概...我再也搵唔到嗰個可以令我有呢種感覺嘅人啦...
「做乜靜咗呀?諗緊咩呀?」佢一隻手拎住個電視遙控,另一隻手放到我頭側邊,然後向佢嗰邊推
「冇咩呀…」我i喺佢博頭上面
「你掛住周樂恆呀...」佢面上冇表情,我大概知道佢咩心情


「我做咩要掛住佢...」我無奈咁望住電視
「點知你...你對人地餘情未了,咪念念不忘囉!」葉子朗不停咁轉台
「喂!唔好再瘋狂轉台啦!」我搶咗個遙控,咁番去個卡通片台
「幼稚...睇咩比卡超呀!」葉子朗皺起眉頭
「好睇,我中意睇!」我冇理佢
「咁你係咪掛住佢啫...」葉子朗又問,又講周樂恆
「我唔係囉...我冇對佢餘情未了囉!冇念念不忘囉!」我真係冇佢咁好氣
「嗯...咁就好啦...」佢好細聲咁講咗句
雖然係好細聲,但因為我i喺佢博頭,所以我都聽到
但點解佢咁講...?我唔知呀...亦冇去查證嘅想法


呢個時候我手機又響
「喂!」
但今次我冇接嘅機會
葉子朗見我想伸手拎部機嗰陣,佢即刻勁快咁彈起身,搞到我成個瞓咗落梳化度
佢拎咗我部電話,仲㩒埋收線
「我話咗唔會比你搵佢,就唔會比你搵到佢!」
「係係~」我點頭
「哼!」佢繼續睇電視
「呿...都話咗唔係我搵佢囉...」我細聲咁講
呢個時候到佢嘅電話喺度響,我望到聯絡人個名係洛天恩


但葉子朗收咗線,冇聽佢電話
「做咩唔聽?」我問佢
「唔想聽。」佢冷淡咁講咗句
我點點頭,佢靜咗一下
其實冇嘅...今日就咁就過咗,Hea足全日