[愛情甜故] 因為一次睇到佢打飛機,所以我地變咗做炮友: 45.戀人關係確定?(下)

本來漆黑嘅夜空,有咗星光嘅點綴變得不一樣
坐喺發出橙黃色嘅光嘅燈柱下,柔和嘅光線令成件事都變得浪漫起嚟
不知不覺咁我同佢都一樣,身子向前傾,直至碰到對方嘅嘴唇
係星空嘅影響,定係燈光嘅柔和令我不自覺咁墮入其中?
交疊嘅雙唇,帶住柔滑嘅質感,令人要陶醉其中
但我知道呢個感覺只係屬於呢一刻...
忽然有嘢滑過我嘅臉頰,佢嘅唇離開咗我嘅唇上
葉子朗一臉訝異咁望住我
「做咩喊啦?」佢緊張咁捧着我嘅臉頰,用手指抹去我嘅眼淚
我伸手喺臉上掃咗一下,係淚水...


我做乜做突然喊啦?
「對唔住,係咪我...我太突然所以...」葉子朗有D慌張起嚟,但我搖搖頭
「唔係呀...我都唔知點解...」我拎tissue抹去眼淚
「如果當日我冇拒絕你,或者今日就會變得唔一樣...」我望住佢一臉後悔嘅樣,我都有D心酸
「唔知㗎,世事無絕對嘅...」我微微一笑
「如果我話...我想你做我女朋友,你宜家會唔會答應我?」
聽到葉子朗講呢句說話,其實我覺得佢只係一時之氣,未必係真心話嚟
「你同洛天恩又嘈交呀?」
「嗯...你都見到㗎...」佢苦笑,佢將雙手插入髮根,「邊有人會咁失敗?」
「雖然我唔知咩事,不過如果係佢錯嘅,咁咪叫佢道歉囉!」


「就算道歉...都補救唔番一切...因為洛天恩,成件事先會咁!」佢捉住我雙肩,好激動咁講,「方芷諾對唔住!」
「做咩同我道歉?」我疑惑咁問,但佢只係搖搖頭
「不如我地真係喺埋一齊呀!」佢一手將我拉入佢懷中
「你唔好意氣用事啦,你同佢一定會和好㗎!」我安慰道,「你一時之間意氣用事同咗我一齊,可能一齊咗之後你又會覺得後悔呢~」
葉子朗一下推開咗我,然後企咗起身
「講到底你都係唔想同我一齊咋嘛!你都係唔中意我啫!你同洛天恩又有咩分別呀!」
佢咁樣講完就離開咗公園
我呆坐喺長椅上面,啱啱嘅聲音仲喺我腦海中迴盪緊
但到底係咩意思...