[愛情甜故] 因為一次睇到佢打飛機,所以我地變咗做炮友: 42.關係(下)

呢個時候,放喺房入面嘅手機喺度響
我行咗去聽電話
「喂?阿恆?咩事呀?」
「冇呀!只係...」
葉子朗突然一手搶走咗我個電話,仲㩒埋收線
「你做乜呀?」我搶番部手機
「你今日係屬於我㗎!唔準搵其他人。」佢攬住我,似撒嬌又唔係撒嬌
「係佢搵我...」我無奈咁講
「都唔得...唔可以...」佢搖頭,「總之唔可以啦!」
「你今日一大清早做乜呀?」我伸手摸摸佢頭,好似安慰小朋友咁


「就係唔想佢搵你...唔想你理佢...」佢嘅聲線顯得佢有D唔高興
「好啦好啦...唔搵佢啦!唔搵佢啦好冇?」我真係好似哄緊小朋友咁
「嗯...」佢點頭
搞咩呀...小朋友咩...我做乜要咁樣哄佢
呢個時候電話又再響,係周樂恆
「喂…」我接咗電話
「芷諾,做咩突然cut我線呀?」周樂恆問
「sorry呀,因為hi到個制呀...」我講咗個大話
我稍稍回頭望一望葉子朗,見到佢一臉不爽咁嘟起個嘴
我笑咗一笑,然後摸摸佢個頭


「阿恆,我有嘢做緊,我晏D再call番你呀!」
「嗯…好呀!」講完之後,我就收咗線
「哼...呢頭應承咗我唔搵佢,嗰頭就搵人...」葉子朗即刻就抱怨起嚟
「我冇搵佢,係佢call番我咋嘛!宜家咪話咗唔搵佢囉...」我將手機放喺電視櫃上面
「嗯...總之你今日係屬於我嘅!」葉子朗好似宣示主權咁
「係係~」我只好乖乖咁點頭
見佢一時對我好,一時又冷淡咁...其實我都有諗過到底我同佢係咩關係?
情侶做嘅事我同佢做晒,唯獨我地並唔係...