[愛情甜故] 因為一次睇到佢打飛機,所以我地變咗做炮友: 18.前任的時光(上)
「sorry呀!今日遲咗落堂。」我唔好意思咁點點頭,「等咗好耐啦?」
佢突然笑咗出嚟
「做咩呀...」我疑惑咁望住佢
「你問我係咪等咗好耐,搞到好似啱啱拍拖咁。」佢笑住咁講
「痴線...」我無奈咁講,「行啦!」
我同佢搭巴士去歡樂癲地
我地行上上一層,呢個時候巴士開車了,我一下企唔穩向後跌
「你小心D啦!仲同以前一樣,咁大頭蝦㗎!?」行喺我後面嘅周樂恆即刻伸手扶住我
「嘻嘻…」我唔好意思咁笑咗一笑
行到上上層,我揀咗最近樓梯嘅位,然後坐咗去入面嗰個位度
「好耐都冇搭巴士啦…」我望住出面的街景
「嗯...」
外面嘅街景因為巴士嘅前進,而只可以喺我眼前停留0.01秒嘅時間
明明係平時成日見到嘅街景,但突然卻有種唔知點形容嘅感覺
轉眼即逝,捉唔實...
又會突然諗到呢D嘢嘅...
我自己無奈咁笑咗一笑
「笑咩呀?」周樂恆一臉好奇咁問我
「冇嘢呀!」我笑住咁搖搖頭
「芷諾呀...」佢突然認真咁叫我
「做咩呀?做咩突然認真起嚟?」我忍唔住笑咗出嚟
「今日...做我一日女友呀!」佢認真嘅眼神,令我不禁屏蔽住呼吸
「突然講咩呀…」我低頭唔敢直視佢
「一日咋!我唔貪心㗎!一日...就夠啦...」佢誠懇咁望住我
「呃…好啦好啦!我知啦!」我最怕佢用呢D眼神望我,因為我一定會心軟
我一應承咗佢,佢就即刻拖住我隻手,傻傻咁笑起嚟
咁都值得開心咩…