[愛情甜故] 因為一次睇到佢打飛機,所以我地變咗做炮友: 17.前任

去到lunch嘅時候,我一個人去咗小食飯買飯,順便喺小食部食埋先走
「Venus!」李靜愉行咗過嚟,坐喺我對面
「你今日竟然會番學呀…」我笑咗一笑
靜愉係我嘅好朋友,好多事我都會同佢講,但當然啦!有D事自己知就好了...例如我同葉子朗嘅事
不過佢成日都唔番學,係個不良少女,佢唔太中意讀書,所以好經常性咁就會消失,喺學校見到佢簡直係奇蹟
「今日難得番學,梗係要你一齊食個lunch啦!」靜愉拆開餐具嘅膠袋
「你咁講,你肯定轉個頭就早退啦!」我早知佢嘅心意啦
「嘻嘻…Venus就最了解我啦~」靜愉對我做咗個飛吻嘅動作
「唔了解你點做你好朋友呀?」
「最近同人地好close喎~」佢突然間講


「講咩呀…」我將飲筒插入嗰盒嘢飲度
「周樂恆呀!唔通講緊葉子朗咩?」佢咁樣講一講,我即刻窒咗一下
「咩呀...邊度係...」
「咁葉子朗呢?」佢咁樣問,我突然唔知點答佢
「關佢咩事呀…」我扮咩都唔知
「做咩咁嘅樣呀~」佢留意到我表情都變埋,「你地又冇做過D乜,唔通你地上過床咩~」
我瞬間靜咗落嚟,唔係我想比佢知,而係我唔知點答佢好
「喂...我隨口講㗎咋!你...唔係真係同佢...咩呀嘛...」我望住靜愉一副難以置信嘅樣,我更加唔知可以講咩
「一定係佢啦!佢逼你㗎係咪呀!我宜家就去打佢!」靜愉好大反應,佢即刻企起身
我拉住佢,搖搖頭


「佢恰我姊妹,我一定打佢!」「算啦…其實都唔係佢逼我...係因為我冇推開佢...」
我同咗靜愉講成件事
「我以後唔會再同佢做㗎啦!」我肯定咁答佢
「嗯!唔洗怕㗎!有咩事我都會support你!」佢笑住咁講
「李靜愉,識講英文喎~」我笑起嚟
「痴得你多呀!」
靜愉突然靜咗落嚟,只係笑住咁望下我後面,又望下我
「我可唔可以坐低呀?」
原來係周樂恆
「坐啦坐啦!我食完㗎啦!唔阻你地啦!」靜愉企咗起身,然後轉身走


「佢竟然番學呀。」周樂恆笑住咁講,然後坐喺我對面
「佢轉頭就走㗎啦…肯定!」我搖搖頭
「今日有冇興趣一齊去夾公仔中心呀?」佢突然提議道
我諗咗一陣,反正聽日冇默書測驗,今日睇怕都唔會有功課㗎啦
「好呀!」我用力咁點頭,「好耐都冇去啦!」
「記唔記得上次呀!我地夾到成部機幾乎冇晒公仔…」「我記得呀!嗰次我地攬住一大堆行出去囉!」
佢咁講一講,D回憶都番晒嚟
嗰陣歡樂癲地夾公仔中心,應該係唯一一間可以$1夾1次的中心
我地以前成日都去㗎!嗯...以前呢...