[愛情甜故] 因為一次睇到佢打飛機,所以我地變咗做炮友: 19.前任的時光(下)

我地落咗車之後就行入歡樂癲地
呢度同以前冇好大嘅差別,更加多咗幾部夾公仔機
「行啦!」周樂恆拎住一大袋$1硬幣行過嚟,「可以挽好耐!」
「嗯...」
「望緊咩呀?」佢問我
我企喺其中一部夾公仔機嘅前面,定睛望住喺玻璃箱入面放住嘅「奸夫」兔仔
「想要呀?夾佢出嚟囉~」周樂恆遞咗袋錢比我
我拎咗一個coin,放入部機度,我捉住個遙控器
我小心翼翼咁將個夾對準咗佢,然後㩒紅色嘅制,放個夾落去
隻夾降落,打開,夾住咗佢,然後上升,移去連接住拿取處嘅窿,打開,隻「奸夫」兔仔跌咗落嚟


我推開拿取處嘅膠片,將佢拎咗出嚟
「嘩!你好勁呀!一嚟就夾到啦!」企喺我隔離嘅周樂恆驚喜咁講
「當然啦!好彩我寶刀未老啫~」我開心咁攬住隻公仔,「你都夾番隻啦!」
「我怕我夾晒D公仔出嚟咋!」我同佢換咗位
「唔好得個講字喎!」我笑咗一笑
點知呢頭話口未完,佢嗰頭就一次過夾咗兩隻出嚟
我就蹲落嚟伸手去拎,佢又蹲落嚟拎
「勁啦你!」「我都話㗎啦!」
…!
對望嗰下...好近!


太近了!
近到...就嚟錫到...
我同佢隻手都掂住隻公仔
佢突然捉住我另一隻手,然後...
「…!」
佢錫咗落嚟...!!!!
我嗰下唔知比咩反應好,一下失咗重心就向後跌咗落地
我成個人坐咗喺地下...
個心跳得好快
「搞...搞咩呀...!」我吞吞吐吐咁講咗出口


「對唔住呀~」佢面上嘅笑容,就好似話我知佢同我開咗個小玩笑咁...
一D都唔好笑囉!
明明一D都唔好笑,但個心點解會跳得咁快?
「對唔住呀!我冇心㗎...」周樂恆企咗起身,然後向我伸手
「仲笑...」我捉住佢隻手企番起身
我拍一拍條裙,整番好條裙
我同佢喺呢個天地遊走
每部機都挽過晒了!
一隻二隻嘅公仔...多到冇手拎添
「點拎番去呀!」我笑住咁望住佢手上嘅公仔
「一人一半囉~」佢比多咗3隻我
我攬住我嘅奸夫兔,然後將另外一隻小奸夫同2隻Winnie the pooh塞落書包
「你睇你個書包漲卜卜咁啦!」周樂恆拍我書包
「咪拍啦!打到佢地呀!」我推開佢隻手
「佢地鬼會痛呀?」周樂恆反咗個白眼


「佢地會㗎!」
我講呢句嘅同時,放喺裙袋嘅手機喺度響
死人葉子朗...
「喂?」
「方芷諾你喺邊呀!」電話裏面傳嚟焦急嘅聲音
「做咩呀?」
「快D過嚟我度!我好唔舒服呀…」
「唔舒服你咪睇醫生囉…」
「我冇力行呀…」
「唉…咁煩㗎...我宜家嚟啦…」
我心入面喺度抱怨
「你有急事就走先啦!」周樂恆微微一笑
「咁...我走先啦…」我唔好意思咁講
我轉身想走嗰陣,佢拉住咗我隻手
然後喺我塊面度錫咗一啖


「拜拜~」佢偷偷地喺度笑
我冇佢咁好氣,揮揮手就轉身走
到底嗰個葉子朗咩事呀…又會突然病嘅...