咁樣算唔算師生戀: 佢成日話等我畢業

佢成日都話等我畢業, 到我grad 果陣就帶我去旅行
結果由15歳講到我18歳 再講到我21歳
我地都冇去過 其實我都當係寒暄 講下姐...

咁中五時我中意咗果個男仔, 佢傷害我好多
但我好中意佢, 結果中六畢業之後就一齊咗

咁當刻我好中意個男仔, 咁都同咗果個男嘅一齊
咁我又點會理K咁多, 話知佢, 佢都話知我啦





咁大家都有出來食飯嘅, 但就三人行囉...
佢, 我, 同埋L

中六grad咗一直都有約見面, 大約每半年出來一次
K都冇再係我地果間中學度教書
每次見面都會問我分手未...我話未, 佢就問我幾時結婚,
哈哈, 你問我, 我問邊個?

咁果陣有男朋友, 我都放下咗我同佢之前嘅所有野,
所以佢同L 好似親密咗 我都冇咩出聲




況且我可以講啲咩? 但呢一次, 我真係嬲
回望番, 我諗我應該係呷醋掛?

難得咁耐出來食飯, 果陣係2016年年頭, 我同果陣嘅男朋友一齊咗大約一年
K同L約好咗食飯 順便叫我埋出來食咁...
我新界西parttime收6點鐘 佢兩條友下晝出去九龍唔知一齊報咗個咩course去交報名費....
叫我放工出去旺角搵佢地...
我冇理 直接吊啦.... 傻_咗? 兩個得閒嘅要我仆住出九龍搵你地食飯? 咩玩法?

所以結果佢地都係交完費返返入來屯門同我食飯....




食咩唔講喇.反正冇咩特別
我講呢單野出來, 如果K同L本人睇到呢個故, 一定知我係邊個.....
L本人估到就仆街了.....知道晒我嘅秘密....anyway..

約我搭半, 去到屯市唔見人..... 我等到搭八, 都唔見人
whatsapp佢地冇人應..心諗..你兩條友拍拖就咪_約埋我....
搵我出來等位??? 黑人問號?????
後來K應機, 我問佢地係邊, 佢搭我"黃金"

係人都知深水埗果個黃金中心先叫黃金....我心諗, 約我搭半, 你搭八同我係深水埗???????
你兩個拍拖就真係唔好搵我出來...
後尾佢打多兩個字 "海岸", 我仲嬲

心諗, 仆你地個街, 兩個一早番到屯門, 但因為我地約得晏, 所以兩個自己去黃金海岸hea.
我係whatsapp group講晒我早到咗, 一個人, 話我收6點好快就到




放工會好餓, 你兩條友, 夜媽媽去黃金海岸做咩

end up 來到, 我準備開口話佢地, K就先開口,
講晒我最想罵佢地嘅野出來.... 佢話佢估到晒我啲衰野乜乜乜咁... 佢仲係度解釋話佢地係搭巴士 架巴士行屯門公路 經黃金海岸返黎

雖然果陣我有男朋友, 但唔知點解佢地咁close我又好似好唔中意咁
grad咗之後每次同佢見完面, 之後果幾日都若有所失咁
總係要精神恍惚幾日咁....
但2016年年頭我對我果陣個男朋友好死心塌地...
所以都叫自己, 唔好諗太多就算,
況且果陣L都係單身, 我以為佢地會係埋一齊.