咁樣算唔算師生戀: 我覺得好曖昩嘅原因

暑假佢諗住約我單獨見面 結果我為咗避嫌 帶埋L一齊去
後來中四有一齊佢特登留係學校做野 等到我練完波
之後同我去食飯 真係去到山長水遠
果陣認得食完飯之後佢特登帶我去搭巴士
又等車又盛 等到真係唔耐煩
過咗幾年都我大個啲 先發現當日佢帶我搭巴士根本就係行遠咗
食飯果度行過少少就有輕鐵... 過幾個站就到西鐵...

果段中四嘅日子 總之我地就成日message啦
後來學校有個camp, 佢都有份帶我地去




咁我地8個女仔住一間房, 長洲啲宿舍真係間間都鬼屋咁款
去程果陣 K又突登同我地玩咩揭尾故 嚇我地
所以啲女仔都we wa鬼叫.....
咁我就心裡面自己好驚咁啦.....

果次係我第一次feel到我個好朋友L狂flirt K
我最憎人唔分莊閒 其實可能係呷醋
明明係我同K熟啲 你痴到咁埋做咩
但我又唔係K邊個 可以點? hahaha





咁因為我地8個人一間房 但得一個廁所有排等
(咁諗到咁污穢 我冇去佢間房沖涼)
所以miss定唔知邊個就話可以用阿sir間房個廁所
咁果陣就局住叫個tb去沖啦好似方便啲

但佢都始終係女仔, 都想搵多個人陪
咁佢地就話我同阿sir熟啲, 叫我落去佢間房坐, 叫做陪tb落去沖涼
大家咁擔心, 其實係咪應該擔心我先係呢?
姐係TB係入面沖涼, 真係果啲教畜嘅話 對我做咩都得啦頂
我地真係醒到一個點....





我地係二樓落到樓下, 頂, 呢個宿舍真係鬼屋都不如
一開門就頂住兩張單人床... 間房細到兩張單係床根本就係貼埋一齊咁濟
其中一個單人床仲要攔住廁所個門口 所以入廁所要爬入去嘅....
最慘係, 廁所門關唔實........

Anyway, 咁TB入咗去沖涼, 我就坐係度打機....係度玩Candy crush.
佢中意就講下野咁, 都係覺下旅行啲野
我唔記得我地有冇互flirt, 但我淨係記得有個位我地傾下傾下
佢摸咗我大脾一下, 咁我就著咗長褲啦, 因為冬天
但果度都係大脾....
所以我就講住笑咁 咁佢做咩 叫佢咪亂摸先得架

就係因為果啲錫錫符號+呢一摸.....我覺得成件事好曖昩
但同時又覺得成件事好錯...




咁所以我就嘗試疏遠佢喇....

就係咁, 我地message少咗, 唔再搵對方咁多
所以成個中五我就中意咗第二個男仔
 (而呢個男仔後來成為咗我嘅黑歷史, 果度唔講啦, 果啲可以同朋友講)
K呢段故我淨係敢同啲完全唔識我中學嘅人講....

雖然我地冇聯絡得咁密, 但間唔中一頭半個月我地都會message幾個咁..