咁樣算唔算師生戀: 那年快將30

2016年年尾, 大學有個男仔追緊我, 我亦對果個男仔有少少好感
而當時嘅男朋友比我係背後搵到佢做過幾多傷我嘅事
都打算同果個男仔分手
果個男嘅, 原來同我一齊嘅年幾裡面, 一直都同一個女仔keep住message
仲要成日互相send j圖, 大家字裡行間極曖昩, 仲要比我發現佢拎果個女仔嘅相打飛機....
個男又成日係其他人面前扮可憐咁, 心諗, 吊吖抹黑我!!!
anyway, 果個男嘅 我都諗住係適當時幾飛咗佢....所以我就真係同咗佢分手 總之之後又一場羅生門事件....

平時K都好少主動搵我, 係2016年暑假我去左北京成個月,
好多人都message我問我去咗邊去咁耐..咁佢就係其中一個




其餘時間佢都好少會搵我..

但係2016年11月18日嘅夜晚, K突然之間message我,
心諗都咁夜, 又咁耐冇搵大家, 做咩無啦啦message我
佢打咗好多好多野比我, 又叫我陪佢. 
心諗, 做咩無啦啦提起4年前啲野, 果陣我地點message法乜乜乜都已經係以前
但佢講講下, 我先記得起果日係佢生日....

事實上, 佢果晚講嘅野真係令我困擾咗幾日, 好似有一兩個星期....
我諗下我係佢心目中到底算係咩,




我諗下到底佢當我係咩, 佢係搵我攝?
定係佢真係有中意過我?
咁多年來佢都冇拍拖, 係等我? 定係巧合? 定係佢有過幾多段情我都唔知?

因為佢, 因為大學追緊我嘅男仔, 令到我把心一橫飛咗果陣果個對我唔好嘅男朋友.....

我冇記錯, 11月尾我同L都有搵佢食飯, 當係同佢食生日飯
果陣我都有比佢知我要同果陣嘅男朋友分手 當係放下風聲 又探下佢口風
果陣佢仲話, 你真係分先話我知啦, 你地啲後生呢頭話分又話係番埋一齊...
我就同佢講, 我心意已決 條友我分硬





咁佢就話, 咁你終於可以同我去旅行啦?
我心裡面始終覺得一男一女去玩好似唔係咁好
所以成日都話, 要等埋L草夠錢喎乜乜乜咁
就係咁, 我成日都用L耍走咗佢
況且, 我果陣都係中意大學果個男仔多過佢嘅....
但如果果陣佢追我嘅, 咁佢都係同大學個男仔公平競爭姐
大家都成年人, 佢又唔再係學校嘅老師, 況且佢又冇教過我, 唔算係我老師吖
如果佢當年加入呢場爭奪戰, 以佢嘅條件, 我同佢之間嘅感情, 關係同回憶
我會判K勝出喎

但我放晒聲氣, 佢都冇咩表示, 咁大學個男仔日日返學都見
近水樓台先得月係基本啦
咁所以, 我依家真係同緊大學果個男仔一齊咗...