【愛情甜故】我同條女敦倫的日子: 驚喜2
「咁好啦 咁我自己入去唱住k先」
「你份人就係咁鐘意遲到(怒啤我表情)」
「sorry啊 只此一次唔會有下次!」
「聽住先啦(兩個怒啤我表情)」
好耶，我成功地fake到茹姐。
直到7點29分，我燃點起蠟燭拎起雪芳蛋糕去到門口隔離，熄晒所有燈，我知道佢已經到左出面準備入緊黎，
一陣子後，門打開左!!
「生日快樂啊黃芷茹~」
茹姐一見到我突然彈出黎即刻嚇到叫左出黎，我當場笑到死左然後再為佢唱生日歌。
「happy birthday to you......」
「頂你咩，嚇死我，我仲以為撞鬼。」
「Surprise~係咪好夠驚喜呢，你唔記得今日係你生日咩?」
「係咩!?原來今日係我生日?唔怪得你今日早2個鐘出門啦，原來係為左今晚，仲fake我會遲到，我竟然信晒你。」
茹姐依家先好似晃然大悟知道晒一切，話佢記性差真係冇錯，生日都唔知。
「係啊，不過...不過我今晚淨係為你準備左個雪芳蛋糕咋，你會唔會介意?」
茹姐見到只係得個雪芳蛋糕後面露少少失望，而佢失望就證明我又再次fake左佢，佢一定係覺得我好冇誠意。
「唔...唔緊要啦，都係你嘅一份心意，我又唔係港女我唔會怪你。」
女人果然係口不對心，講就講唔介意但其實個心就好失望。
「多謝你唔怪我，唔講住，快啲坐低許個願先。」
說罷茹姐就開始閉眼雙手合十許願，而當佢閉眼時就係我"做野"嘅時候，
我靜靜雞拎走個雪芳蛋糕再由台底拎起個插好蠟燭嘅黑森林放上台擺係佢面前，然後再燃點蠟燭，一切準備就緒!
不久後佢許完願終於開眼，佢即刻俾出面嘅景象再次嚇親。
「哇，點解...!?」
「係啊，係你個願望達成左，你最想食嘅黑森林蛋糕。」
「多謝你阿豪，一定係你......我愛你啊!」
茹姐立即由失望表現我十分開心。
「仲講，快啲吹蠟燭啦。」
說罷佢一吹，就將所有蠟燭吹熄晒，不慨係心肺功能勁嘅人。
「阿豪，多謝你會咁為我好，你係第一個對我咁有心思去搞驚喜同我慶生嘅人，我真係好開心。」
「你係我嘅女人又咁愛你，我緊係搞返個大驚喜俾你氹你開心，仲要今日係你大日子我邊敢馬虎。」
「由細到大我嘅生日都唔會點慶祝，細個屋企人成日好忙冇時間幫我慶祝，到大個久而久之我就唔重視自己嘅生日。」
「覺得生日都係普通一日冇乜特別，所以慶祝慾都低左好多。」
「傻豬黎，生日一年一次嫁咋，係代表你大個嘅象徵，以後每一年就等我陪你慶生啦，最緊要你開心。」
「好啊，有你陪我生日就會變得熱鬧，以後到你生日嗰陣我都會陪你慶生。」
「叻豬咁咪好，終於開始重視返個生日。」
「唔講住啦，戴上生日帽食蛋糕先啦，我地今晚唱k玩盡佢!!」
就係咁，茹姐呢日生日就由我陪佢係k房渡過，我又可以睇住佢係k房"發癲"。
.
.
.
快樂嘅日子過得好快，兩個禮拜後，阿偉再次約我地出去食餐飯聚下，
而咁啱個地點又係上次我地嗰間餐廳，地點冇變容貌都冇變，彤姐依然係咁索，著住一件淺藍色露膊衫，
變嘅只係人，以前熟絡嘅人已不復存在，而係由新人取替，就好似換左一幅新嘅畫像黎見大家，
我地4個依舊坐埋一台猶如重新認識大家。
「豪哥，你呢排精神左喎，冇再好似以前咁頹。」
原來人精唔精神係有樣睇，阿偉一眼就睇得出我精神左。
「我有個咁好嘅女朋友唔精神先奇啦。」
「你仲記唔記得呢間餐廳，係我地曾經一時反目成仇嘅地方。」
阿偉突然提起往事，令我立即回想起以前嘅事，諗起我嗰日當住阿偉面不斷搞彤姐，然後我仲振振有詞...真係依家諗起都覺得羞恥。
「我記得...嗰日真係對唔住。」
「算啦，都過左去，最緊要你依家已經改左，嗰陣我相信係隻心魔先搞到你咁姐。」
「係啊，如果我一早知道你有心魔在身我就唔應該著得咁性感出黎引你，仲唔信你，我都有錯。」
彤姐竟然都覺得自己有錯。
「我害得你阿妹咁慘你唔怪我咩?」
「怪你做乜?怪你佢都唔會復活返，更何況嗰陣你都唔係有意咁做，最後你不惜一切去保護佢，咁其實已經補過晒一切。」
「如今就連我媽都自殺埋，你嘅心魔又消滅左，呢一切應該都已經完結。」
「係啊阿豪，你嗰陣真係好men，冒住生命危險都要救我地出去，你本性根本都唔係殘酷嘅人。」
茹姐都安慰我。
「係囉豪哥，以前嘅事就當粉筆字咁擦左佢，我地就當係重新認識、重新做返兄弟。」
「多謝你地肯原諒我。」
「唉，如果係換轉以前嘅豪哥道歉一定會話贈兩本AV寫真俾我睇，叫我原諒佢。」
「不過你依家已經變左，已經唔再係以前嗰個鹹濕豪，你嘅道歉顯得真誠左好多。」
估唔到屌偉佢連呢啲名年往事都仲記得。
「哈哈講呢啲，我仲記得以前上堂我坐你隔離不斷向你灌輸AV生活嘅日與夜，諗返都覺得正。」
有時以前嘅返學趣事諗返起都覺得回味，會好懷念過去，呢啲都係中學生活嘅真摰回憶。
「豪哥，仲記唔記得有一次我地去廁所你話我條巨龍好大好羨慕。」
「頂嗰陣真係年少無知，我口爽爽咁讚你大碌鳩咪即係彈緊自己碌鳩細，我諗返都覺得慚愧不如。」
「其實嗰陣我係見到個靚女MISS著得好性感所以先會直左，所以你就覺得好大。」
「仆街仔，我咁多年以為你真係咁大抽野。」
「哈哈哈...」
之後我地傾以前啲鹹濕史傾到笑晒口，我心情亦都係咁慢慢開朗返。
.
.
.
「傾左咁耐，我講個好消息俾你好唔好?」
傾下傾下屌偉突然話有好消息想講。
「好，你講。」