【愛情甜故】我同條女敦倫的日子: 驚喜1

話咁快就兩個月，

我地渡過左嚴寒開始步入炎夏，依家只係5月但天氣已經熱到坐定定唔郁都出晒水，

至於心魔方面，我軟禁自己嗰一個禮拜佢都冇再出黎搞事，日日都可以正常起身做自己，

直到依家都冇事發生，睇黎今次真係徹底地將心魔消滅左，我再都唔洗再俾佢操控，

而頭髮就開始生返長冇再甩髮，血亦都冇再經鼻同口流出黎，身體幾乎已痊癒晒咁濟，



消滅心魔之後，我同茹姐係呢兩個月都去左好多地方玩，我心情都開朗返唔少。

一齊買六合彩:

「頂，我啲number全部開晒隔離啊!今次真係到我黑仔王。」

「仆佢個街我買45 47佢開46 48 49，你話激唔激氣。」
 
「哈哈都叫平時叫你積返多啲陰德，唔係你今日都唔會咁黑仔啦。」



「你睇下姐姐我就平時做開好事就中左1個。」

「你推阿婆出馬路就識，你中得1個咪又係冇錢。」

見茹姐咁囂張，我當然都要串返佢。

「我係扶阿婆過馬路，下次我就中3個字俾你睇。」

「聽住先。」




坐叮叮車:

呢日我地由筲箕灣搭上一架開往屈地街嘅叮叮車，

我地坐係叮叮車上層最前個位，我右手攬住佢將佢身挨落我肩膀。

「好涼爽~」

開住個窗吹住陣陣涼風，我感到十分舒服。

「阿豪，其實我咁大個女都未坐過叮叮車，但其實細細個嗰陣已經好想坐，只係阿爸阿媽唔俾我黎坐。」

「咁你依家係咪好感觸?」



「係啊，因為佢駛得慢，我可以慢慢細味周圍嘅風景，加上我細細個就覺得如果可以同一個我愛嘅人坐一定好浪費好幸福。」

「而依家我心願終於達成，我覺得好幸福。」

之前聽人講話叮叮車係浪漫兼維繫感情嘅交通工具，全因佢開得慢加上又平又涼爽特別有feel，一齊搭過嘅情侶都會更加愛對方，睇黎係真。

「以前我獨撚一個坐冇乜feel，原來同鐘意嘅人坐又真係幾浪漫。」

「仲講，好彩你冇事咋，如果唔係我以後就真係一個坐。」

睇黎茹姐仲對兩個月前嘅事耿耿於懷。

「點會一個坐，你仲可以同其他男仔坐嫁嘛。」

「頂你咩，我淨係鐘意同你坐，你個角色係冇人可以取替到，其他男仔我綵佢都傻。」



「如果你以前夠膽有咩事，我一定唔會放過你。」

「你會點樣唔放過我?」

我相信我咁樣問佢一定問到口啞啞，我死左佢仲點追究。

「我...我會咒你不得好死。」

哇，果然最毒婦人心，咁都俾佢諗到。

「你都幾惡毒喎，咁樣咒自己愛嘅人。」

「哼!」



茹姐一定唔鐘意聽到我講啲咁嘅野所以嬲左我。

「我個乖茹茹唔好嬲，唔好嬲，我等陣陪你坐多幾次叮叮車好唔好? 錫返錫返~」

識時務者為俊傑，我馬上氹返茹姐，我發覺我氹女仔方面又進步左。

「算你啦，下次唔好再亂講野。」

「知道~」

然後呢一日叮叮車沿途經過左好多地方，北角、維園、跑馬地通通都經過晒。


直至到左今日，今日係茹姐生日，但佢似乎已經唔記得今日係佢生日，我諗住俾個驚喜佢，所以我精心佈置左個plan，



首先我約佢今晚一齊去唱k，book好晒房同佢講好晒房號但我fake佢話唱k前嘅兩個鐘出面有野做陪唔到佢去，叫佢夠鐘自己入去先，係入面等，

我book左7點但我fake佢book左7點半，而我就要係呢兩個鐘內籌備好一切，係茹姐黎到嘅時候俾個大驚喜佢，

到我出門後，我去左附近商場買左個雪芳蛋糕、兩頂生日帽、火機，最後先買左個黑森林生日蛋糕，

準備好一切等到7點之時我就入左k房，將黑森林放到台底，再為雪芳蛋糕插上一支蠟燭，而我就戴上生日帽，

我要做好晒一切fake茹姐嘅準備，為左要fake得佢透啲，唔好俾佢識穿，所以我恨心地wts左佢一句。

「阿茹 sorry啊我要遲少少到(雙眼閉合驚懼表情)」